زَبور 79:8 - هُدائے پاکێن کتاب، بلۆچی زبانا

⁸ گوَستگێن نَسلانی گناهان مئے سرا مَلَڈّ، تئیی رهمت زوتّ مئے سرا بیایاتنت که سکّ وار و بزّگ اێن.

زَبور 79:8 Referans Kwoze

زَبور 142:6

منی پریاتا گۆش دار که من مزنێن سکّی و سۆریان کپتگان. منا چه آ مردمان برکّێن که منی رندا کپتگ‌اَنت، چێا که چه من زۆرمندتر اَنت.

زَبور 116:6

هُداوند ساده‌دلێن مردمانَ سمبالیت، من که وار و زار اتان، منا رَکّێنتی.

زَبور 21:3

چیا که گۆن بازێن برکتانی دئیگا په آییئے وشّ‌آتکا در آتکگئے و تاجے چه اَسیلێن تلاها سرا داتِت.

اِلهام 18:5

چێا که اِشیئے گناه سر په سر اَنت و آسمانا رَستگ‌اَنت و هُدایا آییئے رَدێن کار یات کرتگ‌اَنت.

دانیال 9:16

او هُداوند! په وتی سجّهێن اَدل و اِنساپا بچار و وتی هِژم و گَزبا چه وتی شهر اورشَلیما، چه وتی پاکێن کۆها بٹگلێن. مئے گناه و مئے پیرێنانی رَدکاریانی سئوَبا، سجّهێن همساهگێن کئوم اورشَلیما و تئیی کئوما کَلاگَ بندنت.

زَبور 130:3

او هُداوند! اگن تئو گناهان هساب بکنئے، گڑا کئے پَشتَ کپیت، او هُداوند؟

زَبور 106:43

هُداوندا باز برا آزات کرتنت بله وتی شئور و هئیالانی تها سَرکَشّی‌اِش کرت و گناهانی تها بُکِّتنت.

زَبور 25:7

منی ورناییئے ناپرمانی و گناهان یات مکن، وتی مِهرئے کساسا منا یات کن که تئو نێک ائے، او هُداوند!

دَرگوَز 32:34

نون برئو و مردمان دێم په هما جاگها بَر که آییئے بارئوا من گۆن تئو هبر کرتگ. منی پرێشتگ چه تئو پێسرَ بیت. بله سِزائے رۆچا من اِشانی گناهئے سِزایا دئیان.“

پێدایش 15:16

تئیی پَدرێچ، چارمی نَسلا اِدا پرَ ترّیت چێا که اَموریانی بَدکاری اَنگت پوره و سَرجم نبوتگ.“