زَبور 71:14 - هُدائے پاکێن کتاب، بلۆچی زبانا

¹⁴ بله من مُدام تئیی کُمکئے اُمێتوار آن و ترا گێش و گێشتر ستا کنان.

زَبور 71:14 Referans Kwoze

زَبور 130:7

او اِسراییل! اُمێتا په هُداوندا بدار، که مِهر گۆن هُدایا اِنت و کامِلێن رَکّێنگ هماییئے دستا اِنت.

یوهَنّائے ائولی کاگد 3:3

هرکَسا چه آییا چُشێن اُمێتے هست وتا پاکَ کنت، اَنچُش که آ وت پاک اِنت.

زَبور 71:6

چه پێدایشا منی کُمک کنۆک بوتگئے، اے تئو بوتگئے که منا چه ماتا پێدا کرتگ، منی ستا و ساڑایگانی دێم مُدام گۆن تئو اِنت.

زَبور 43:5

او منی اَرواه! چیا گیمّرتگئے؟ چیا منی دل و درونا پرێشان ائے؟ اۆست و اُمێت هُدائے سرا بکن، چیا که نۆکسرا هماییا نازێنان، وتی رَکّێنۆک و وتی هُدا.

پِتْرُسئے ائولی کاگد 1:13

وتی لانکا ببندێت و هُژّار ببێت. زِندا په شِهم و رَهداری بگوازێنێت. وتی اُمێتا په هُدائے هما رهمتان ببندێت که ایسّا مَسیه وتی زاهر بئیگئے وهدا په شما رسێنیتِش.

په پیلیپیان پولُسئے کاگد 1:9

منی دْوا اِنت که شمئے مِهر گێشا گێش ببیت و گۆن کامِلێن سَرپدی و جُهلێن زانتێا همراه ببیت،

په تِسالونیکیان پولُسئے ائولی کاگد 4:10

شما وَه گۆن مَکدونیَهئے سجّهێن براتان مِهر کنگا اێت، بله او براتان، ما گۆن شمارا دزبندیَ کنێن که وتی مِهرا رۆچ په رۆچ گێشتر بکنێت.

پِتْرُسئے دومی کاگد 3:18

گۆن مئے هُداوند و رَکّێنۆک ایسّا مَسیهئے رهمت و زانتا، رُست و رُدۆم گِران ببێت. شان و شئوکت انّون تان اَبد، هماییا برسات. اَنچُش بات. آمین.