زَبور 68:6 - هُدائے پاکێن کتاب، بلۆچی زبانا

⁶ هُدا بێکَسان په لۆگ و جاهَ کنت و بندیگان، آزات و آباد، بله سرکش، هُشکێن زمینێا نندۆکَ بنت.

زَبور 68:6 Referans Kwoze

زَبور 113:9

سَنٹ و بےائولادێن جنێنا وشدل و چُکّانی ماتَ کنت و آییئے لۆگا آباد. هُداوندا بنازێنێت، هَلّێلویا.

زَبور 69:33

هُداوند نیازمندانی دْوایان گۆشَ داریت و وتی بندیگێن مردمان بزّگ و وارَ نکنت.

زَبور 107:14

چه تهارترێن تهاریان دری کرتنت و آیانی زمزیلی پرۆشتنت.

زَبور 107:10

تهارترێن تهاریان نِشتگ‌اَتنت، آسنێن زمزیلانی بندیگ و اَزاب اَتنت

زَبور 146:7

زُلم دیستگێنانی دادرسیا کنت و شدیگان وراکَ دنت. هُداوند بندیگان آزاتَ کنت،

په گَلاتیان پولُسئے کاگد 4:27

چێا که نبیسگ بوتگ: ”شاتکامی کن، او سَنٹێن جنێن، تئو که هچّ چُکّ آورتَ نکنئے! په شادمانی کوکّار کن، تئو که چِلّگی درد نکَشّتگ! چێا که یله داتگێن جنێنئے چُکّ چه هماییئے چُکّان گێشتر اَنت که مَردی هست.“

کاسِدانی کار 16:26

اَناگت، مزنێن زمین‌چَنڈے بوت که بَندیجاهئے بُنرِد، سُرگ و جُمبگا لگّت. هما دمانا، سجّهێن دروازگ پَچ بوتنت و جێلیانی زمزیل بُتکنت.

زَبور 107:34

کِشت و کِشاری زمینان سۆرگَ کنت، اۆدئے جَهمنندانی بدکاریئے سئوَبا.

زَبور 10:14

بله اَلبت تئو گندئے. سَکّی و سۆریانَ گندئے، تان کار و اِهتیارا وتی دستا بدارئے. بزّگ و بێچارگ وتا تئیی سپردگَ کننت، چۆرئوانی مَدَت کنۆک تئو ائے.