زَبور 68:28 - هُدائے پاکێن کتاب، بلۆچی زبانا

²⁸ تئیی هُدائے پرمان اِنت که تئو زۆراور ببئے. او هُدا! اَنچش که پێسرا کرتگِت، وتی زۆر و واکا مارا پێش بدار.

زَبور 68:28 Referans Kwoze

زَبور 138:8

هُداوند منا رَکّێنیت. هُداوند! تئیی مِهر اَبدمان اِنت، وتی دستانی کاران بَند مکن.

زَبور 71:3

منی پناه دئیگئے تلار بئے، که مُدام دێم په آییا بیایان. تئو په منی رَکّێنگا هُکم کرتگ، چیا که منی تلار و کلات تئو ائے.

په پیلیپیان پولُسئے کاگد 1:6

اے گپّا هم دلجم آن که هُدایا هما شرّێن کار که شمئے دل و درونا بُنگێج کرتگ، تان هما وهدا برجاهیَ داریت که سَرجم ببیت، تان هما رۆچا که ایسّا مَسیهَ کئیت.

زَبور 42:8

رۆچا، هُداوند وتی مِهرا دێمَ دنت و شپا سئوت و زێملی گۆن من اِنت، دْواے دێم په وتی زِند بَکشۆکێن هُدایا.

په تِسالونیکیان پولُسئے دومی کاگد 1:11

پمێشکا ما مُدام په شما دْوا کنێن که شمئے زندگی انچُش ببیت که هُدائے گْوانکا بکرزیت. هُدا گۆن وتی زۆر و واکا شمئے نێکێن اِرادهان پوره کنات و هر کارے که شمئے ایمان شمارا پرماییت، آییا سَرجم کنات.

زَبور 44:4

او هُدا! تئو منی بادشاه ائے. په آکوبا پێرۆزیئے هُکما بُرّ.