زَبور 62:1 - هُدائے پاکێن کتاب، بلۆچی زبانا

¹ منی اَرواه په اێمنی تهنا هُدائے رهچار اِنت، چیا که منی رَکّێنگ چه هماییئے نێمگا اِنت.

زَبور 62:1 Referans Kwoze

زَبور 62:2

منی تلار و منی رَکّێنۆک تهنا هما اِنت، منی کلات اِنت، هچبرَ نلرزان.

زَبور 33:20

مئے اَرواه هُداوندئے ودارا اِنت، هما مئے کُمک و اِسپر اِنت.

زَبور 37:7

هُداوندئے بارگاها آرام بئے و گۆن اۆپارے آییئے ودارا. آیانی سئوَبا جۆش مجن که وتی راها کامران اَنت و آیانی سئوَبا هم که پلیتێن پندلان کارَ بندنت.

آکوب 5:7

او براتان! تان هُداوندئے آیگا، سَبر و اۆپار کنێت. بچارێت که دِهکان چِه پئیما ودارَ کنت تان زمین وتی پُراَرزشێن بَرا برۆدێنیت، آ په اێرَهتی و بهاری هئوران چۆن وداریگ اِنت.

زَبور 40:1

گۆن سَبرے په هُداوندا ودارُن کرت، دێمی گۆن من ترّێنت و منی پریاتی اِشکت.

زَبور 123:2

اَنچۆ که گُلامێئے چمّ وتی واجهئے دستا سَکّ اَنت و مۆلدێئے چمّ وتی بانُکا مئے چمّ هُداوندێن هُدایا سَکّ اَنت که مئے سرا رهم بکنت.

زَبور 121:2

منا کُمکّ چه هُداوندا رسیت، هما که آسمان و زمینی اَڈّ کرتگ‌اَنت.

زَبور 37:39

پهرێزکارانی رَکّێنۆک هُداوند اِنت و سکّیئے وهدا آیانی کلات.

زَبور 27:14

هُداوندئے ودارا بئے، زۆرمند بئے و دلا ڈَڈّ کن. هئو! هُداوندئے ودارا بئے.

زَبور 77:1

من هُدایا تئوارَ کنان و په کُمکا هماییا گوانکَ جنان، منی پریات گۆن هُدایا اِنت و آ منی آوازا گۆشَ داریت.

زَبور 65:1

او هُدا! سَهیونا ستا و سنا تئیی ودارا اِنت، گۆن تئو مئے کئول پورهَ بنت.

زَبور 39:1

گوَشتُن که ”پهرێزَ کنان تان گۆن وتی زبانا گناه مکنان. تان وهدے بدکارے منی کِرّا اِنت وتی دپا لگامَ کنان.“

زَبور 25:5

دێم په وتی راستیا منا رهشۆن بئے و سَبک بدئے، چیا که تئو منی رَکّێنۆکێن هُدا ائے و سجّهێن رۆچا تئیی اِنتزار و ودارا آن.