زَبور 55:1 - هُدائے پاکێن کتاب، بلۆچی زبانا

¹ او هُدا! منی دْوایا بِشکن و وتا چه منی زاری و پریاتان چێر مدئے.

زَبور 55:1 Referans Kwoze

پِتْرُسئے ائولی کاگد 3:12

چێا که هُداوندئے چمّ، نێک و پهرێزکارێن مردمان سکّ اِنت و گۆشی گۆن همایانی دْوایا. بله هُداوند وتی دێما چه بدکِردێن مردمانَ تَرّێنیت.“

زَبور 86:6

او هُداوند! منی دْوایان گۆش دار، منی پریات و زاریان دلگۆش کن.

زَبور 61:1

او هُدا! منی پریاتا بِشکن و منی دْوایا گۆش دار.

زَبور 27:9

دێما چه من چێر مدئے، وتی هزمتکارا گۆن هِژم پِر مترّێن، تئو که منی مَدَتکار بوتگئے. او منی رَکّێنۆکێن هُدا! منا دئور مدئے و یله مکن.

زَبور 80:1

او اِسراییلئے شپانک! گۆش دار، تئو که شپانکێئے پئیما ایسُّپئے رمگئے رهشۆن ائے. او هُدا! تئو که کَرّوبیانی نیاما بادشاهی تهتا نِشتگئے، وتی نورا تالان کن.

زَبور 64:1

او هُدا! وهدے نالان و پریاتَ کنان، منی تئوارا بِشکُن و زندا چه تُرسناکێن دژمنان برَکّێن.

زَبور 84:8

او هُداوند، لشکرانی هُدا! منی دْوایا گۆش دار، بِشکُن، او آکوبئے هُدا! اۆشت...

زَبور 80:4

او هُداوند! لشکرانی هُدا! تان کدێن هِژمئے آسا وتی کئومئے دْوایانی سرا گوارانَ بئے؟

زَبور 5:1

او هُداوند! منی گپّان گۆش بدار، منی نالگان دلگۆش کن.

زَبور 143:7

هُداوند! منا زوتّ پَسّئو دئے، منی روها دَم برتگ، وتی دێما چه من چێر مدئے، که همایانی پئیما بان که کَلّ و کبرا کپنت.

زَبور 28:1

او هُداوند، او منی تلار! ترا تئوارَ کنان، چه من نادلگۆش مبئے. اگن تئو بێتئوار ببئے، همایانی پئیما بان که کَلّ و کبرا کپنت.

زَبور 17:1

او هُداوند! منی برهکّێن پریاتان بِشکن و نالگانُن گۆش دار، دْوایانُن بِشکن، که چه بێریاێن دپ و لُنٹان درَ کاینت.

زَبور 6:1

او هُداوند! منا گۆن وتی هِژما هکّل مدئے و گۆن وتی گَزبا نِهرّ.