زَبور 50:2 - هُدائے پاکێن کتاب، بلۆچی زبانا

² هُدا چه سَهیونا که زێباییئے کمال اِنت، وتی نورا دْرپشانَ کنت.

زَبور 50:2 Referans Kwoze

زَبور 80:1

او اِسراییلئے شپانک! گۆش دار، تئو که شپانکێئے پئیما ایسُّپئے رمگئے رهشۆن ائے. او هُدا! تئو که کَرّوبیانی نیاما بادشاهی تهتا نِشتگئے، وتی نورا تالان کن.

زَبور 48:2

سَهیونئے کۆه، زێبا گۆن وتی بُرزیا، سجّهێن جهانئے شادهی، شمالئے بُرزترێن بلندی، مَزَن‌شانێن بادشاهئے شهر اِنت.

اِلهام 21:23

و شهرا نه رۆچ پکار اِنت و نه ماه که آییا رُژنا بکننت، چێا که هُدائے شان و شئوکت اِشیا رُژنا کنت و گوَرانڈ اِشیئے چراگ اِنت.

اِلهام 1:16

هپت اِستاری راستێن دستا اَت و چه آییئے دپا دودپێن تێزێن زهمے در آیگا اَت. دێمی گۆن وتی سَرجمێن رُژنا چۆ رۆچا دْرپشگا اَت.

زَبور 94:1

او بێرگیرێن هُدا! او هُداوند! او بێرگیرێن هُدا! وتی شان و شئوکتا زاهر کن.

زَبور 80:17

تئیی دست هما مردئے سرا بات که تئیی راستێن نێمگا اِنت، هما انسانئے چُکّئے سرا که تئو په وت رۆدێنت و زۆرمند کرت.

زَبور 68:24

او هُدا! تئیی جشنئے کاروان گندگَ بیت منی هُدا و منی بادشاهئے کاروان مان پاکێن جاگها.

زَبور 48:3

هُدا آییئے بُرجان اِنت، وتا مُهرێن کلاتے پَجّارێنتگی.

زَبور 80:2

اِپراییم، بِنیامین و مَنَسّیئے دێما، وتی واک و تاگتا بُرز کن و په مئے رَکّێنگا بیا.