زَبور 40:2 - هُدائے پاکێن کتاب، بلۆچی زبانا

² منا چه جُهلانکێن کَلّێا در آورتی، چه گِل و گنداپا، منی پادی تلارێئے سرا اۆشتارێنت و گامی مُهر کرتنت.

زَبور 40:2 Referans Kwoze

زَبور 37:23

هُداوند هماییئے گامان مُهرَ کنت که هُداوندئے راها شادهیَ کنت.

زَبور 119:133

وتی هبرئے هسابا منی گامانی رهشۆن بئے، گناها مئیل که منی سرا هاکمی بکنت.

زَبور 27:5

چیا که سکّی و سۆریانی رۆچا منا وتی ساهگا داریت، وتی تمبوئے تها چێرَ دنت و تلارێئے سرا بُرزا اۆشتارێنیت.

زَبور 61:2

ترا چه زمینئے گُڈسرا گوانکَ جنان، وهدے دلُنَ دْرهیت. منا دێم په تلارێا بر که چه من بُرزتر اِنت.

زَبور 71:20

هرچُنت تئو منا بازێن سکّی و سۆری پێش داشتگ، بله پدا منی زندا بۆدێنئے. هئو، نۆکسرا منا چه زمینئے جُهلانکیا بُرزادَ کارئے.

زَبور 86:13

که په من تئیی مِهر سکّ مزن اِنت، تئو منا چه جُهلانکیان رَکّێنتگ، چه مُردگانی جهانا.

زَبور 69:2

جُهلانکێن پوجگلان مێن بوتگان، جاگهے که پادَ نه‌اۆشتیت. جُهلانکێن آپانی تها کپتگان و هار و لَهڑان منا اَنگِرّ کرتگ.

زَبور 18:36

تئو منی پادانی چێرئے راها پْراهَ کنئے تانکه پادُن ملرزنت.

کاسِدانی کار 2:24

بله هُدایا چه مُردگان زندگ کرت و چه مَرکئے رنج و اَزابا رَکّێنت، چێا که نبوتنی اَت مَرک آییا وتی پنجگانی تها بداریت،

زَبور 143:3

دژمن منی رَندا کپتگ، آییا منا زمینا دئور داتگ، منا تهاریا جَهمنندی کرتگ کوَهنێن مُردگانی پئیما.

زَبور 17:5

منی پادانی پد تئیی راها نَکش اَنت، پادُن نلرزتگ‌اَنت.

زَبور 116:3

مرکئے سادان پتاتگ‌اَتان، کبرئے تُرس منی سرا کَپتگ‌اَت گم و اندۆهانی بندیگ اتان.

مَتّا 13:50

بدکاران آسئے کورَها دئورَ دئینت که اۆدا گرێوگ و دنتان په دنتان درُشگَ بیت.

زَبور 18:7

نون زمین چَنڈت و جُمب و جۆشا لَگّت، کۆهانی بێه و بُنیات هم لرزتنت، چیا که آ هِژم گپتگ‌اَت.