زَبور 37:22 - هُدائے پاکێن کتاب، بلۆچی زبانا

²² اَلّما، آیان که هُداوند برکتَ دنت مُلکا میراسَ برنت، بله آیان که نالتَ کنت، گار و بێگواهَ بنت.

زَبور 37:22 Referans Kwoze

په گَلاتیان پولُسئے کاگد 3:13

هما نالت که مئے سرا اَت، مَسیها وتی سرا زرت و اے ڈئولا مارا چه شَریَتئے نالتا مۆکتی، چێا که نبشته اِنت: ”هرکَس که دارئے سرا دْرَنجگ بوت، نالتیے.“

زَبور 37:9

چیا که بدکار گُڈّگَ بنت، بله آ که هُداوندئے ودارا اَنت مُلکا میراسَ برنت.

په گَلاتیان پولُسئے کاگد 3:10

آ که شَریَتی کارانی سرا تئوکلَ کننت، آیانی سرا نالت اِنت. چێا که پاکێن کتابا نبشته اِنت: ”هرکَس که دائِما شَریَتئے کتابئے سجّهێن نِبِشتهانی پابند نه‌اِنت و آیانی سرا کارَ نکنت، آ نالتیے.“

مَتّا 25:41

رَندا گۆن همایان که چَپّێن نێمگا اَنت، گوَشیت: ’او شومّان! چه منی دێما دور بێت و هما جمبورێن آسئے نێمگا برئوێت که هچبرَ نمریت و په شئیتان و آییئے همراهان اَڈّ کنگ بوتگ.

زَبور 128:1

بَهتاور هما اِنت که هُداوندئے تُرسی دلا اِنت و آییئے پرمانبرداریا گامَ جنت.

زَبور 119:21

تئو گُروناکێن مردمان هکّلَ دئیئے، هما نالت بوتگێنان که تئیی هُکمانی راها یلهَ کننت.

زَبور 115:15

هُداوند شمارا برکت دئیات، زمین و آسمانئے اَڈّ کنۆک.

زَبور 37:28

چیا که هُداوندا اَدل دۆست اِنت و وتی دۆستداران یلهَ نکنت. هُداوند تان اَبد پهرێزکارانی پُشت و پناه اِنت، بله بدکارانی نَسل گُڈّگَ بیت.

زَبور 37:18

هُداوند بێگناهانی رۆچانی نگهپان اِنت و میراسِش نمیرانَ بیت.

زَبور 37:11

نرم‌دل مُلکا میراسَ برنت و چه وشّێن سُهل و اێمنیا شادکامیَ کننت.

زَبور 32:1

بَهتاور هما اِنت که هُداوند چه آییئے ناشَریان سر گوَستگ و گناهی بَکشگ بوتگ‌اَنت.

زَبور 25:13

آ وتی رۆچان په سێری و هزگاریَ گوازێنیت و آییئے چُکّ و اۆبادگ زمینئے میراس برۆکَ بنت.