زَبور 36:11 - هُدائے پاکێن کتاب، بلۆچی زبانا

¹¹ پُرکِبرانی پاد منی سرا اێر مبات، بدکارانی دست منا سرگردان مکنات.

زَبور 36:11 Referans Kwoze

زَبور 16:8

من مُدام هُداوند وتی دێم په دێما دیستگ، آ منی راستێن پهناتا اِنت، چه همے سئوَبا منَ نلرزان.

زَبور 119:122

وتی هِزمتکارئے سلامتی و وشهالیئے زمانتا بدئے، مئیل که گُروناک منی سرا زُلم بکننت.

زَبور 119:85

گُروناکێن مردم په من کلَّ کۆچنت، تئیی شَریَتئے هلاپا.

زَبور 119:69

هرچُنت که گُروناکێن مردمان منی سرا درۆگێن بهتام جتگ، بله من په دل و سِتک تئیی رهبندان برجاهَ داران.

زَبور 119:51

گُروناکێن مردم منا دائما کَلاگَ بندنت، بله من تئیی شَریَتا یلهَ نکنان.

زَبور 10:2

بدکار گۆن کِبر نِزۆرێنان شکارَ کنت، بِلّ که وتی پندلانی داما گرپتار ببیت.

دانیال 4:37

نون منِ نِبوکَدنِزَر آسمانانی بادشاها ستا کنان، ساڑایان و شرپَ دئیان چێا که آییئے سجّهێن کار راست اَنت و آییئے راه په اِنساپ. آ، گُروناکانی گردِنا جَهل کرتَ کنت.“

زَبور 62:6

منی تلار و منی رَکّێنۆک تهنا هما اِنت، منی کلات اِنت، منَ نلرزان.