زَبور 27:3 - هُدائے پاکێن کتاب، بلۆچی زبانا

³ بِلّ که لشکرے منی چاگردا وتی گِدانان مِکّ بکنت، اَنگت منی دلَ نلرزیت، اگن جنگے هم منی سرا بکپیت، اَنگت دلجم آن.

زَبور 27:3 Referans Kwoze

زَبور 3:6

چه لَکّانی لَکّا نترسان که چه هر نێمگا منا اَنگرِّش کرتگ.

پِتْرُسئے ائولی کاگد 3:14

اگن په شمئے نێکێن کاران شمارا آزار برسیت، اَنگت هم شما بَهتاور اێت. چه آیانی پادتراپان متُرسێت و پرێشان مبێت.

په پیلیپیان پولُسئے کاگد 1:28

هچّ پئیما چه دژمن و بَدواهانَ نتُرسێت. اے په آیان نشانیے که بربادَ بنت و شما رَکّێت که شمئے رَکّگ چه هُدائے نێمگا اِنت.

اِلهام 2:10

چه آیۆکێن آزاران متُرس. بچار، شئیتان چه شما لهتێنا په شمئے چکّاسگا زندانا کنت و تئو تان ده رۆچا آزار دئیگَ بئے. تان مرکئے ساهتا وپادار بئے و من ترا زِندئے تاجا دئیان.

زَبور 52:6

پهرێزکارَ گندیت و تُرسیت، بدکارئے سرا کندیت و گوَشیت:

زَبور 3:7

او هُداوند! پاد آ. او منی هُدا! منا برَکّێن. تئو ائے که منی دژمنانی دێما شهماتَ جنئے و بدکارانی دپ و دنتانانَ پرۆشئے.

زَبور 112:7

آ چه بدێن هالانَ نتُرسیت، دلی جَم اِنت، تئوکلی هُداوندئے سرا اِنت.