زَبور 25:14 - هُدائے پاکێن کتاب، بلۆچی زبانا

¹⁴ هُداوند وتی دلئے راز و رمزان گۆن هداتُرسان درشانَ کنت، وتی اَهد و پئیمانا په آیان پَجّارێنیت.

زَبور 25:14 Referans Kwoze

یوهَنّا 15:15

چه اِد و رند شمارا گُلام و بندهَ نگوَشان، چێا که گُلامَ نزانت واجه چے کنت. من شمارا وتی دۆست گوَشتگ چێا که هرچے که من چه پتا اِشکتگ، شمارا گوَشتگُن.

یوهَنّا 7:17

هرکَس که هُدائے واهگان سَرجم کنگ بلۆٹیت، زانت که منی تالیم هُدائیگ اَنت یا من چه وت هبرَ کنان.

اِلهام 2:17

هرکَسا که گۆش پِر، گۆش بداریت که پاکێن روه گۆن کِلیسایان چے گوَشیت. هما که سۆبێنَ بیت، من آییا چه چێر و پناهێن مَنّا بَهرے دئیان. من آ مردما اسپێتێن سِنگے هم دئیان که آییئے سرا نۆکێن نامے نبشته اِنت. اے ناما تهنا هما زانت که آییا دئیگَ بیت.

یوهَنّا 17:6

من تئیی نام په همایان پَجّارێنت که تئو چه جهانا گچێن کرتگ و منا داتگ‌اَنت. اے مردم تئیی بوتگ‌اَنت و تئو منا داتگ‌اَنت. اِشان تئیی هبر زرتگ.

یوهَنّا 14:17

بزان راستیئے هما روه که جهان آییئے مَنّگا تئیار نه‌اِنت، چێا که نگندیتی و پَجّاهیَ نئیاریت. بله شما آییا پَجّاهَ کارێت، چێا که شمئے کِرّا مانیت و شمئے دل و درونا بیت.

پێدایش 17:13

تُرے شمئے لۆگا پێدا ببنت یا که شما آیان په بها بگرێت، باید اِنت سُنّت کنگ ببنت. اے پئیما شمئے جسم و جانا، منی اَهد و پئیمان اَبدمانَ بیت.