زَبور 141:2 - هُدائے پاکێن کتاب، بلۆچی زبانا

² منی دْوا تئیی بارگاها چۆ سۆچکیا کبول بات و منی چِست بوتگێن دست، بێگاهئے کُربانیگئے پئیما.

زَبور 141:2 Referans Kwoze

اِلهام 5:8

وهدے توماری زرت چارێن سَهدار و بیست و چارێن کماش گوَرانڈئے دێما کپتنت، هر یکّێا چَنگے دستا اَت و تلاهێن دَرپِش گۆن اَت که سۆچُکیا پُرّ اَتنت. اے هُدائے پَلگارتگێن مردمانی دْوا اَتنت.

په تیموتاووسا پولُسئے ائولی کاگد 2:8

منَ لۆٹان که مردێن زهر گرگ و جاک و جێڑهان یله بدئینت و هر جاگه پاک و پلگارێن دستان بُرز بکننت و دْوا بلۆٹنت.

دانیال 9:21

وهدے من اَنگت دْوا کنگا اَتان، جِبراییل، هما کَس که من وتی پێسریگێن شُبێنئے تها دیستگ‌اَت، بێگاها، کُربانیگ کنگئے وهدا بال کنان تێزیا منی کِرّا آتک.

زَبور 134:2

دستان پاکێن جاگهئے نێمگا چِست کنێت و هُداوندا بنازێنێت.

زَبور 63:4

تان زندگ آن ترا نازێنان و په تئیی ناما دستان بُرزَ کنان.

زَبور 28:2

منی پریات و زاریئے تئوارا گۆش دار، وهدے چه تئو مَدَتَ لۆٹان و وتی دستان دێم په تئیی پاکێن بارگاها بُرزَ کنان.

زَبور 5:3

او هُداوند! بامگواهان تئو منی تئوارا اِشکنئے، بامگواهان، گۆن دَزبندی وتی واهگان پێشَ کنان و وداریگَ بان.

دَرگوَز 29:39

یکّے سُهبا پێش کن و یکّے مَگرِب‌تَهارا.

کاسِدانی کار 3:1

یکّ رۆچے، نُهمی ساهتئے زِگر و دْوائے وهدا، پِتْرُس و یوهَنّا مزنێن پرستشگاها رئوگا اَتنت.

دَرگوَز 35:15

بۆسۆچی کُربانجاها گۆن گوَرباسک و پِر مُشَگی رۆگن و وشبۆێن سۆچُکیان، شاهِدیئے تَمبوئے دپئے پردها،