زَبور 125:4 - هُدائے پاکێن کتاب، بلۆچی زبانا

⁴ او هُداوند! په نێکدلان نێکی کن په همایان که دلِش راست و تچک اَنت.

زَبور 125:4 Referans Kwoze

زَبور 7:10

منی اِسپر هُدا اِنت که نێکدلانَ رَکّێنیت.

زَبور 119:68

تئو نێک ائے و نێکیَ کنئے، وتی هُکمان منا سۆج دئے.

زَبور 84:11

که هُداوندێن رۆچ و اِسپرے، هُداوند رهمتَ بَکشیت و اِزّتَ دنت. هما که زندا په بێمئیاریَ گوازێنیت، هُداوند شرّێن چیزّان چه آییا دورَ نداریت.

زَبور 94:15

دادرسی پدا په اِنساپَ بیت، سجّهێن نێکدل اِنساپئے رَندگیریا کننت.

زَبور 51:18

په وتی وشنۆدیا بچار و گۆن سَهیونا مهربان بئے، اورشَلیمئے دیوالان پدا اڈّ کن.

اِلهام 14:5

چه آیانی دپا هچّ درۆگ در نئیاتکگ و بێمئیار اَنت.

یوهَنّا 1:47

وهدے ایسّایا نَتْناییل دیست که آ دێم په من پێداک اِنت، گوَشتی: ”اے تچکێن بنی اِسراییلیے و اِشیئے دلا هچّ پئیمێن رِپک و هنر مان نێست.“

زَبور 119:80

تئیی هُکمانی بارئوا منی دل بێمئیار بات تانکه شرمندگ مبان.

زَبور 73:1

په راستی هُدا په اِسراییلا مهربان اِنت، په همایان که دلِش ساپ اِنت.

زَبور 36:10

په وتی دۆستداران وتی مِهرا مُدام برجاه دار و اَدل و راستیا په نێکدلان.

زَبور 32:2

بَهتاور هما اِنت که هُداوند آییئے گناها هچبر هسابَ نئیاریت و آییئے اَرواها پرێبے مان نێست.

زَبور 84:12

او لشکرانی هُداوند! بَهتاور اِنت هما که تئیی سرا تئوکلَ کنت.