زَبور 12:2 - هُدائے پاکێن کتاب، بلۆچی زبانا

² هرکَس گۆن همساهگا درۆگَ بندیت، چاپلوسێن دپِش په پرێب هبرَ کننت.

زَبور 12:2 Referans Kwoze

پولُسئے کاگد په رومیان 16:18

چێا که چُشێن مردم مئے هُداوند مَسیهئے هِزمتا نکننت، آ وتی لاپئے گُلام اَنت و گۆن وتی نرم و چرپێن زبانا سادَهێن مردمان رَدَ دئینت.

زَبور 41:6

وهدے چه آیان یکّے منی دیدارا کئیت دوزبانی هبرَ کنت و دلا بدیَ رۆدێنیت، ڈنّا که درَ کپیت، وتی دلئے هبرا کنت.

زَبور 144:8

که دپِش چه درۆگا پُرّ اَنت و راستێن دستِش چه پرێبا.

زَبور 10:7

دپ و زبانی چه نالت و پرێب و سِتما پُرّ اِنت، آییئے زبانئے چێرا پِتنه و شِرکاریا کُدام بستگ.

زَبور 5:9

چیا که راستی آیانی زبانا نێست و دل و دَرونِش تباهی اِنت و بسّ. گُٹّ و گلواِش پْراهێن کَبرے و وتی زبانا په چاپلوسی کارَ بندنت.

آکوب 1:8

پرچا که آ دودل اِنت و وتی هچّ کار و هچّ کِردارئے سرا مُهر نه‌اۆشتاتگ.

زَبور 28:3

منا بدکارانی همراهیا گِرّان مکن و مکَشّ، هما که رَدێن کارَ کننت و گۆن همساهگان چه سُهل و سَلاها هبرا اَنت، بله دلِش چه شِرّ و شۆرا پرّ اِنت.

په تِسالونیکیان پولُسئے ائولی کاگد 2:5

شما زانێت که ما هچبر چاپلوسی نکرتگ و نه مارا چێرێن تَماه و لالِچے بوتگ. هُدا شاهد اِنت.

زَبور 144:11

منا برکّێن و چه درامدانی دستا آزات کن، که دپِش چه درۆگا پُرّ اَنت و راستێن دستِش چه پرێبا.

زَبور 62:4

البت پندلَ سازنت که آییا چه بُرزاد سرشکون بکننت. چه درۆگ بندگا لزّتَ برنت، گۆن وتی دپا برکتَ دئینت، بله دلئے تها نالتَ کننت. اۆشت...

زَبور 55:21

زبانی چۆ ٹێلا چرپ اَت بله دلی جنگیگ، دپئے هبری چه رۆگنا نرمتر، بله کَشّتگێن زَهم اتنت.

زَبور 59:12

په وتی دپئے گناه و لُنٹانی هبران وتی کِبرئے تها بندیگ ببنت. اِشانی نالت و درۆگبندیئے سئوَبا،

زَبور 38:12

آ که منی کۆشئے رندا اَنت، دام چێرَ کننت، بدواه منی گُمسار کنگئے هبرا کننت و سجّهێن رۆچا پندلَ سازنت.

زَبور 116:11

پرێشانیانی تها گوَشتُن: ”هرکَس درۆگبند اِنت.“