زَبور 107:2 - هُدائے پاکێن کتاب، بلۆچی زبانا

² هُداوندئے رَکّێنتگێن هبر بکناتنت، هما که چه دژمنانی دستا رَکّێنتگ‌اَنتی،

زَبور 107:2 Referans Kwoze

لوکا 1:74

که مارا چه دژمنانی دستا برَکّێنیت، تانکه بے تُرس و بیمّا په آییا هِزمت بکنێن و

په گَلاتیان پولُسئے کاگد 3:13

هما نالت که مئے سرا اَت، مَسیها وتی سرا زرت و اے ڈئولا مارا چه شَریَتئے نالتا مۆکتی، چێا که نبشته اِنت: ”هرکَس که دارئے سرا دْرَنجگ بوت، نالتیے.“

زَبور 106:10

چه بَدواهانی دستا رَکّێنت و چه دژمنانی دستا مۆکِتنتی.

په تیتوسا پولُسئے کاگد 2:14

ایسّا مَسیها وتی زند په ما نَدر کرت که مارا چه مئے سجّهێن سِلکاریان بمۆکیت و په وت کئومے پاک و پلگار بکنت که آییئے جندئیگ ببیت و اے کئوم په شرّێن کارئے کنگا هُبّیگ و هُدۆناک ببیت.

زَبور 31:5

وتی روه و ساها تئیی دستا دئیان. او هُداوند، او وپادارێن هُدا! تئو منا رَکّێنئے.

لوکا 1:68

”هُداوند، اِسراییلئے هُدایا سَتا و سَنا بات، چێا که په وتی کئومئے مَدَت کنگا آتکگ و کئومی رَکّێنتگ.

دَرگوَز 15:16

بیمّ و دَهشَتے دلا کپیتِش. چه تئیی باسکئے زۆرمندیا آ سِنگ و سیاهَ بنت، تان هما وهدا که تئیی مهلوک بگوَزیت، او هُداوند، تان هما وهدا که تئیی مۆکِتگێن مهلوک بگوَزیت.

لوکا 24:21

مارا اُمێت اَت، آ هما بیت که اِسراییلا رَکّێنیت. نون گپّ اِش اِنت که اے هبران سئے رۆچ گوَستگ.

زَبور 130:8

آ وت اِسراییلا مۆکیت چه آیانی سجّهێن گناهان.