زَبور 102:18 - هُدائے پاکێن کتاب، بلۆچی زبانا

¹⁸ بِلّ که اے په آیۆکێن نَسلێا نبیسگ ببیت و اَنچێن کئومے که اَنگت اڈّ نبوتگ، هُداوندا ستا و سنا بکنت.

زَبور 102:18 Referans Kwoze

پولُسئے کاگد په رومیان 15:4

هر چیزّے که پێسرا نِبیسگ بوتگ، په مئے تالیما بوتگ، تان گۆن پاکێن کتابئے بَکشتگێن سَبر و دِلبڈّیا مارا اُمێت برسیت.

پِتْرُسئے دومی کاگد 1:15

وتی وسا جُهدَ کنان که منی مرکا رند هم، هر وهدا اے چیزّانی هئیالا بکپێت.

یوهَنّا 20:31

بله اے چیزّ نبیسگ بوتگ‌اَنت تانکه شما باور بکنێت که ایسّا، مَسیه اِنت و هُدائے چُکّ اِنت. اے هاترا هم نبیسگ بوتگ‌اَنت که شما چه ایمانئے راها، آییئے نامئے برکتا اَبدمانێن زِندئے واهند ببێت.

دانیال 9:2

هماییئے دئورئے ائولی سالا منِ دانیال، پاکێن کتابانی تها سالانی هما هسابا شَرّیا چارگا اَتان که هُداوندا وتی لبزئے تها گۆن اِرِمیا نبیا گوَشتگ‌اَت. من دیست که اورشَلیمئے تباهی تان هپتاد سالا مانیت.

زَبور 71:18

او هُدا! نون که پیر آن و مود اسپێت اَنت، منا یله مکن، تان نۆکێن پدرێچئے نیاما تئیی زۆرئے جارا بجنان و سجّهێن آیۆکێن نسلان چه تئیی واک و توانا سهیگ بکنان.

زَبور 48:13

آییئے مُهرێن دیوالانی نێمگا شَرّیا هئیال گوَر دئیێت و سجّهێن کلاتانی بچارێت، تانکه گۆن نۆکێن نسلا بگوَشێت

دَرگوَز 17:14

هُداوندا گۆن موسّایا گوَشت: ”اے کِسّها کتابێا نبشته کن که شَمۆشگ مبیت. اے کِسّها یوشائے کِرّا بیار. چێا که من اَمالیکئے نام و نِشانا چه جهانا سَرجمیا گارَ کنان.“

زَبور 69:34

آسمان و زمین آییا بنازێننت، دریا و آییئے تهئے سجّهێن سَهدار.