په پیلیپیان پولُسئے کاگد 1:11 - هُدائے پاکێن کتاب، بلۆچی زبانا

¹¹ چه پهرێزکاریئے هما بر و سمرا پُرّ ببێت که چه ایسّا مَسیهئے برکتا کئیت، په هُدائے شان و شئوکت و ستایا.

په پیلیپیان پولُسئے کاگد 1:11 Referans Kwoze

یوهَنّا 15:8

منی پتئے شان و شئوکت گۆن همے چیزّا زاهرَ بیت که شما بازێن بَر و سَمرے کارێت و منی مُریدَ بێت.

په پیلیپیان پولُسئے کاگد 4:17

من ٹێکیئے واهگدار نه‌آن، بله په شما هما ”سوتّئے“ واهگدار آن که شمئے هسابئے تها گێش کنگَ بیت.

پولُسئے کاگد په رومیان 6:22

بله نون که چه گناهئے نێمگا آزات بوتگێت و هُدائے گُلام اێت، سَمرے که کَٹّێت پَلگاری اِنت و آییئے آسر نمیرانێن زِند.

پِتْرُسئے ائولی کاگد 2:9

بله شما هُدائے گچێن کرتگێن بادشاهێن روهانیێن پێشوا و پاکێن کئوم اێت، هُدائے جندئے کئوم اێت و آییا شمارا چه تهاریا دێم په وتی پرشئوکتێن رُژناییا گْوانک جتگ تان آییئے مزنێن کاران جار بجنێت.

په تِسالونیکیان پولُسئے دومی کاگد 1:12

ما اے دْوایا کنێن تانکه مئے هُدائے و هُداوندێن ایسّا مَسیهئے رهمتئے برکتا، شمئے دل و درونا مئے هُداوندێن ایسّائے نامئے شان و شئوکت زاهر ببیت و مَسیه شمارا اِزّت بدنت.

مَتّا 5:16

همے ڈئولا شمئے رُژن، مردمانی دێما شَهم بدنت تان شمئے نێکێن کاران بگندنت و شمئے آسمانی پتا ستا بدئینت و بساڑاینت.

پِتْرُسئے ائولی کاگد 4:14

اگن مَسیهئے نامئے سئوَبا شمارا زاه و زَکَتَ کننت، شما بَهتاور اێت، پرچا که هُدائے پرشئوکتێن روها شمئے دلا جاگه کرتگ.

پِتْرُسئے ائولی کاگد 2:12

ناباورانی نیاما پاک و پَلگارێن زِند بگوازێنێت. بِلّ تُرے آ، شمارا بُهتامَ جننت و گوَشنت که شما رَدێن کار کنگا اێت، بله گۆن شمئے نێکێن کارانی گِندگا، هُدائے آیگئے رۆچا هُدایا شرپ و اِزّت بدئینت.

پِتْرُسئے ائولی کاگد 2:5

نون شما زندگێن سِنگانی پئیما په روهانیێن لۆگێئے بندگا کار بندگ ببێت، پاک و پَلگارتگێن روهانیێن پێشوا هم ببێت و اَنچێن روهانیێن کُربانیگ بدئیێت که چه ایسّا مَسیهئے وَسیلها هُدایا وَشنۆدَ کننت.

یوهَنّا 15:16

شما منا گچێن نکرتگ، من شمارا گچێن کرتگ و دێم داتگ که شما برئوێت و بَر و سَمر بیارێت، اَبدمانێن بَر و سَمر. گڑا هرچے که منی نامئے سرا چه پتا بلۆٹێت، شمارا دنت.

یوهَنّا 15:2

منی هر ٹالے که بَرَ نئیاریت، پت آییا گُڈّیت و هر ٹالے که بَرَ کاریت، آییا تراشیت و پَلگاریت که گێشتر بَر و سَمر بیاریت.

زَبور 1:3

آ هما درچکئے پئیما اِنت که رُمبۆکێن جۆسرێئے کِرّا کِشَگ بوتگ و مۆسمئے سرا نیبگَ دنت و تاکی نگیمّرنت، هرچے هم که کنت کامیابَ بیت.

پولُسئے کاگد په رومیان 15:28

وهدے اے کارُن سَرجم کرت و دلجم بوتان که اے ٹێکی په آیان سر بوتگ، دێم په اِسپانیایا سرَ گِران و همے سپرئے راها شمارا گندان.

په تیتوسا پولُسئے کاگد 3:14

مئے مردم باید اِنت در بِبرنت که چۆن وتا په شَرّێن کاران وَپْکَ کننت تانکه دگرانی زلورتان پوره بکننت. اے پئیما مئے مردمانی زندگی بێسَمَرَ نبیت.