مَرکاس 1:31 - هُدائے پاکێن کتاب، بلۆچی زبانا

³¹ ایسّا نزّیکّا شت، آییئے دستی گپت و پادی کرت. آییئے تَپ کپت، آ وشّ بوت و آیانی هِزمت کنگا لگّت.

مَرکاس 1:31 Referans Kwoze

کاسِدانی کار 9:41

پِتْرُسا آییئے دست گپت و اۆشتارێنت، باوَرمند و جنۆزامی تئوار کرتنت و تَبیتایی زِندکا آیانی دستا دات.

مَرکاس 5:41

ایسّایا جنکّئے دست گپت و گوَشتی: ”تَلیتا کُم!“ بزان: او جنکُّک! پاد آ.

زَبور 116:12

اے سجّهێن شَرّی که هُداوندا گۆن من کرتگ‌اَنت، اِشانی بدلا چۆن بدئیان؟

مَرکاس 15:41

وهدے ایسّا جَلیلا اَت، اے جنێن آییئے همراه اَتنت و آییئے هِزمت و چلۆپگِش کرتگ‌اَت. اَبێد چه اِشان، دگه بازێن جنێنے هم اۆدا اَت که آییئے همراهیا اورشَلیما آتکگ‌اَتنت.

مَتّا 27:55

بازێن جنێنے هم، که چه جَلیلا په ایسّائے هِزمت و چلۆپگا آییئے همراهیا آتکگ‌اَت، دور اۆشتاتگ و چارگا اَتنت.

مَرکاس 1:30

اۆدا، شَمونئے وَسّیگ تپیگ اَت و نِپادئے سرا وپتگ‌اَت. اَنچُش که ایسّا لۆگا آتک، نادْراهئے هالِش دات،

مَرکاس 1:32

بێگاها رۆنِندا رَند، مردمان وتی نادْراه که آیانی نیاما گنۆک و جِنّی هم هست‌اَت، ایسّائے کِرّا آورتنت.