مَتّا 6:4 - هُدائے پاکێن کتاب، بلۆچی زبانا

⁴ تانکه تئیی داتگێن هئیرات سرپۆش و چێراَندری ببیت. گڑا تئیی آسمانی پت، که چێرێنانَ گِندیت، تئیی مُزّا دنت.

مَتّا 6:4 Referans Kwoze

مَتّا 6:18

تانکه مردم مزاننت تئو رۆچگ ائے، تهنا تئیی آسمانی پت که چێر و اَندێم اِنت، هما بزانت. آ وهدی تئیی آسمانی پت که چێراَندریَ گندیت تئیی مُزّا دنت.

مَتّا 6:6

بله هروهد دْوا کنئے، وتی لۆگا برئو، لۆگئے دپا ببند و چه وتی آسمانی پتا، که چه چمّان چێر و اَندێم اِنت، دْوا بلۆٹ، گڑا تئیی پت، که چێرێنانَ گِندیت، تئیی مُزّا دنت.

لوکا 14:14

گڑا بَهتاورَ بئے، چێا که آیانی کِرّا چیزّے نێست ترا بدلا بدئینت و تئو وتی مُزّا پهرێزکارانی پدا زندگ بئیگئے وهدا گرئے.“

زَبور 44:21

هُدایا نزانتگ‌اَت؟ چیا که آ چه دلئے راز و اسراران سرپد اِنت.

لوکا 8:17

چێا که هچّ چُشێن چێرێن چیزّے نێست که زاهر و پَدّر مبیت و هچّ چُشێن پناه و اَندێمێن هبرے نێست که آشکار و دێمدرا مبیت.

یَهودائے کاگد 1:24

هما که شمارا چه ٹَگل ورگ و کپگا مُهر داشتَ کنت و بےائیب و گۆن مزنێن شادمانیے شمارا وتی پرشئوکتێن درگاها برت و سر کرتَ کنت،

مَتّا 10:42

اگن کَسے چه اے کسانُکێن مریدان یکّێا پمێشکا تاسے آپَ دنت که منی مرید اِنت، اَلّم بزانێت که آییا وتی مُزَّ رسیت.“

زَبور 139:12

تهاری هم په تئو تهارَ نبیت، شپ، چۆ رۆچا درَپشیت، که تهاری هم په تئو چۆ رژناییا اِنت.

اِلهام 2:23

من آییئے چُکّان وباے دئیان و کُشان، گڑا سجّهێن کِلیسا زاننت که من هما آن که دل و هئیالانی هالان درَ گێجیت و من شما هرکَسا آییئے کارانی هسابا مُزَّ دئیان.

زَبور 17:3

تئو منی دل آزمایش کرتگ و شپ‌پاسان منی چارگا آتکگئے، منا چکّاستگِت و هچ در نگێتکگ، اَهدُن کرتگ که دپ گناه مکنت.

مَتّا 6:3

وهدے هئیراتے چه راستێن دستا دئیئے، چپّێن دست سهیگ مبیت،