مَتّا 6:16 - هُدائے پاکێن کتاب، بلۆچی زبانا

¹⁶ وهدے رۆچگَ بێت، دورو و دوپۆستێن مردمانی ڈئولا وتی دێما تابان و گمناک مکنێت. آ وتی روا گیمُّرێننت و مونجا کننت تان مردم بزاننت رۆچگ اَنت. شمارا راستێنَ گوَشان، مُزّے که آیان رَسگی اَت، رَستِش.

مَتّا 6:16 Referans Kwoze

دانیال 9:3

گڑا من وتی دێم هُداوندێن هُدائے نێمگا تَرّێنت، دْوا و پِریات کرت، رۆچگ داشت، گۆنیێن گُد گوَرا کرت و وتا پُر پِر رێتک.

لوکا 18:12

من هپتگے دو رۆچ، رۆچگَ داران و وتی سجّهێن مالئے دَه‌یَکّا دئیان.

مَرکاس 2:18

یَهیائے مرید و پَریسی رۆچگ اَتنت. نون مردم ایسّائے کِرّا آتکنت و جُستِش کرت: ”چیا یَهیا و پَریسیانی مرید رۆچگَ دارنت، بله تئیی مرید رۆچگَ نبنت؟“

زَبور 69:10

آ وهدا که اَرسُن رێتکگ و رۆچگُن داشتگ سُبکّ کنگ بوتگان.

زَبور 35:13

بله وهدے آ نادْراه اتنت، من سوگی گُد و پۆشاک گوَرا کرت و جسم و جان گۆن رۆچگ دارگا رنجێنت. وهدے منی دْوا بێپسّئو منتنت

کاسِدانی کار 14:23

آیان په هر کِلیسایا کماش گچێن کرت و گۆن رۆچگ و دْوایا، آ کماشِش هما هُداوندئے باهۆٹ کرتنت، که آییئے سرا باوَرِش کرتگ‌اَت.

مَتّا 6:5

وهدے دْوا کنێت، گڑا دورو و دوپۆستێن مردمانی ڈئولا مکنێت، چێا که آیان کَنیسَهانی تها و چارراهانی سرا اۆشتگ و دْوا کنگ دۆستَ بیت، تانکه مردم آیان بگندنت. شمارا راستێنَ گوَشان، مُزّے که آیان رَسگی اَت، رَستِش.

مَتّا 6:2

وهدے چیزّے هئیراتَ کنئے، گڑا جار مجن و ڈَنڈۆر مکن. دورو و دوپۆستێن مردم، کَنیسَه و کوچه و دَمْکانی تها اے ڈئولا کننت تانکه مردم آیان ستا بکننت و بساڑاینت. شمارا راستێنَ گوَشان، مُزّے که آیان رَسگی اَت، رَستِش.

زَبور 109:24

چه رۆچگا کۆنڈُن دْرهگا اَنت، جِسم و جانُن رنجتگ و لاگر اِنت.

لوکا 2:37

بله رَندا جنۆزام بوت. نون آییئے اُمر هشتاد و چار سال اَت و آییا چه مزنێن پرستشگاها ڈَنّ، پاد اێرَ نکرت. شپ و رۆچ، هُدایا سَنا و سَتا کنان، وتی وهد په دْوا و رۆچگَ گوازێنت.

کاسِدانی کار 10:30

کُرنیلیوسا پَسّئو دات: ”چار رۆچَ بیت که همے وهدا ساهت سئیا، وتی لۆگا زِگر و دْوا کنگا اَتان، اَناگت یکّ مردے که دْرپشناکێن پۆشاکی گوَرا اَت، منی دێما آتک و

مَتّا 6:1

هُژّار بێت! وتی نێکێن کاران په مردمانی پێش دارگا مکنێت، چێا که اے ڈئولا شمارا چه آسمانی پتئے نێمگا هچّ مُزّے نرسیت.