مَتّا 5:8 - هُدائے پاکێن کتاب، بلۆچی زبانا

⁸ بَهتاور اَنت هما که دِلِش پاک و ساپ اِنت، چێا که آ هُدایا گندنت.

مَتّا 5:8 Referans Kwoze

زَبور 24:4

هما که دلی ساپ و دستی پاک اِنت، هما که وتی اَرواها دێم په ناهودگیا نترّێنیت و درۆگێن سئوگندَ نئوارت.

زَبور 51:10

او هُدا! منی درونا پاکێن دلے بجۆڑێن و منی دل و جبینا پدا مُهرێن روهے بیار.

آکوب 4:8

گۆن هُدایا نزّیکّ ببێت، هُدا هم گۆن شما نزّیکَّ بیت. او گُنهکاران! وتی دستان پاک کنێت. او دودلان! وتی دلا ساپ کنێت،

پِتْرُسئے ائولی کاگد 1:22

نون که شما گۆن راستیئے رَندگیریا وتا پاک و پَلگار کرتگ و گۆن یکدگرا په‌دِلێن مِهرئے واهند بوتگێت، گڑا په دل و سِتک گۆن یکدومیا مِهر بکنێت.

آکوب 3:17

بله آ هِکمت که چه بُرزا کئیت، ائولا که پاک و پَلگار اِنت، رندا سُهل آرۆک و نرم، مَنّۆک و چه نێکی و رهمتئے بَر و سَمرا پُرّ اِنت، چه پرک و پێر و دورویی و دوپۆستیا هم دور اِنت.

په تیتوسا پولُسئے کاگد 1:15

په پاکدلێن مردمان هر چیزّ پاک و ساپ اِنت، بله آ مردم که پَلیت و ناباوَر اَنت، په آیان هر چیزّ ناپاک اِنت. اَسلا، اے مردمانی پِگر هم پَلیت اَنت و زمیر هم.

زَبور 15:2

هما که بےائیب گام بجنت، اَدل و اِنساپا برجاه داریت و په دلسِتکی راستێنا بگوَشیت،

کاسِدانی کار 15:9

هُدایا مئیگ و آیانی نیاما هچّ پرک و پێرے نه‌اِشت، وهدے آ باوَرمند بوتنت، هُدایا آیانی دل هم پاک و پَلگار کرت.

زَبور 73:1

په راستی هُدا په اِسراییلا مهربان اِنت، په همایان که دلِش ساپ اِنت.

زَبور 18:26

گۆن پاکێنان پاک ائے و بله گۆن رِپک‌کاران چالاک.

اِلهام 22:4

آییئے چِهرگا گندنت و آییئے نام آیانی پێشانیگانَ بیت.

پێدایش 32:30

پمێشکا آکوبا آ جاگهئے نام پَنی‌اێل کرت. گوَشتی: ”گۆن هُدایا دێم په دێم بوتان، بله اَنگت منی جان رَکّت.“

زَبور 51:6

نون دلجم آن که تئو چه منی دل و جبینا راستیئے لۆٹۆک ائے و چێر و پناهێن درونا منا هکمتَ بَکشئے.