مَتّا 27:26 - هُدائے پاکێن کتاب، بلۆچی زبانا

²⁶ گڑا پیلاتوسا په آیانیگی، باراباس آزات کرت و ایسّا شلّاک جناێنت و داتی که آییا سَلیبئے سرا بدْرنجنت.

مَتّا 27:26 Referans Kwoze

یوهَنّا 19:1

رندا پیلاتوسا ایسّا زرت و شَلّاک و هئیزران جناێنت.

مَرکاس 15:15

گڑا پیلاتوسا، که لۆٹتی مردمان چه وت رزا بکنت، باراباس آزات کرت و ایسّا، شلّاک جناێنت و داتی که سَلیبئے سرا بدْرنجنتی.

لوکا 23:16

گڑا، من آییا اَدَبَ دئیان و یلهَ کنان.“

پِتْرُسئے ائولی کاگد 2:24

آییا وت مئے گناهانی بار سَلیبئے سرا وتی بڈّا لَڈّت، تانکه گناه چه مئے دلا بمریت و په نێکی و پاکی زِند بگوازێنێن، که شما چه هماییئے ٹَپّ و ٹۆران دْراه بوتگێت.

مَرکاس 10:34

درکئومێن مردم آییئے سرا ریشکند و مَسکرا کننت، آییئے سر و دێما تُهَ جننت، شلّاک و هئیزرانیَ جننت و کُشنتی، بله سئے رۆچا رَند، آ پدا زندگَ بیت و جاهَ جنت.“

مَتّا 20:19

درکئومێن مردمانی دستا دئینتی. درکئومێن مردم آییئے سرا ریشکند و مَسکرا کننت، گۆن هئیزران مانَ بندنت و سَلیبئے سرا دْرنجنتی. بله سئیمی رۆچا، آ پدا زندگَ بیت و جاهَ جنت.“

یوهَنّا 19:16

آهِرا، پیلاتوسا ایسّا پئوجیانی دستا دات که سَلیب کشّگ ببیت. گڑا آیان ایسّا برت.