مَتّا 26:33 - هُدائے پاکێن کتاب، بلۆچی زبانا

³³ گڑا پِتْرُسا درّاێنت: ”اگن سجّهێن ٹَگل بوَرنت و ترا یله بدئینت، من هچبر ٹَگلَ نئوَران.“

مَتّا 26:33 Referans Kwoze

لوکا 22:33

بله پِتْرُسا پَسّئو تَرّێنت: ”او هُداوند! من گۆن تئو هۆریگا په کئید و بَند و مَرکا هم تئیار آن.“

په پیلیپیان پولُسئے کاگد 2:3

هچّ کارے په وتواهی و وتپسُندی مکنێت. په بێکِبری و دربێشی دگران چه وت بُرزتر سرپد ببێت.

پولُسئے کاگد په رومیان 12:10

گۆن براتی مِهرے، یکدگرا دۆست بدارێت، په شرپ و اِزّت کنگا چه یکدومیا دێماتر ببێت.

مَرکاس 14:29

پِتْرُسا درّاێنت: ”اگن سجّهێن ٹَگل بوَرنت و ترا یله بدئینت، من هچبر ٹَگلَ نئوَران.“

زَبور 17:5

منی پادانی پد تئیی راها نَکش اَنت، پادُن نلرزتگ‌اَنت.

یوهَنّا 21:15

ناشتها رند، ایسّایا گۆن شَمون‌پِتْرُسا گوَشت: ”او شَمون، یوهَنّائے چُکّ! اینچُک که اے منا دۆستَ دارنت، تئو منا گێشتر دۆستَ دارئے؟“ پِتْرُسا گوَشت: ”جی هئو، او هُداوند! تئو زانئے که من ترا دۆستَ داران.“ ایسّایا گوَشت: ”گڑا منی گوَرگان بچارێن.“

مَتّا 26:32

بله زندگ بئیگ و جاه جنَگا رَند، چه شما پێسر جَلیلا رئوان.“

مَتّا 26:34

ایسّایا گوَشت: ”ترا راستێنَ گوَشان، همے انشپی چه کرۆسئے بانگا پێسر، منی پَجّاه آرگا سئے رندا اِنکارَ کنئے.“