مَتّا 25:8 - هُدائے پاکێن کتاب، بلۆچی زبانا

⁸ نادانێن جنکّان گۆن داناێن جنکّان گوَشت: ’چه وتی ٹێلان کَمُّکے مارا هم بدئیێت، چێا که مئے چِراگ مِرمِرانْک اَنت.‘

مَتّا 25:8 Referans Kwoze

لوکا 12:35

لانکا ببندێت و وتی چِراگا رۆک و رُژناگ بدارێت.

اِلهام 3:9

بچار، من چه شئیتانئے کَنیسَهئے مردمان لهتێن ترا دئیان، چه همایان که وتا یَهودیَ گوَشنت بله یَهودی نه‌اَنت و درۆگَ بندنت. بچار، من آیانَ پرمایان، آ کاینت، تئیی پادانی دێما کپنت و سرپدَ بنت که من ترا دۆست داشتگ.

لوکا 16:24

گْوانکی جت: ’اِبراهێم، او منی پت! ترا منی سرا بَزّگ بات، ایلازَرا منی کِرّا دێم بدئے که وتی لَنکُکا آپا بجنت و منی نُکّا ترّ بکنت که من آسا سُچگا آن.‘

لوکا 8:18

شما هُژّار بێت و بزانێت که چِه پئیما اِشکنێت. کَسێا که چیزّے هست، آییا گێشتر دئیگَ بیت و کَسێا که نێست، بله گُمانَ کنت که هستی، چه آییا هما هم پَچ گِرگَ بیت.“

مَتّا 3:9

چه وتی دلا اے هبرا در بکنێت که ’ما اِبراهێمئے نَسل و اۆبادگ اێن.‘ من شمارا گوَشان که هُدا چه اے سِنگ و ڈۆکان هم، په اِبراهێما چُکّ و اۆبادگ پێدا کرتَ کنت.

کاسِدانی کار 8:24

شَمونا پَسّئو دات: ”شما چه هُداوندا په من دْوا بلۆٹێت، تان هما چیزّ که شما گوَشتنت، یکّے هم منی سرا مکپیت.“

زَبور 49:7

سَدَّک آن که هچکَس وتی براتئے زِندا مۆکِتَ نکنت و آییئے هۆن‌بهایا هُدایا داتَ نکنت.

مَتّا 25:1

آ وهدا آسمانی بادشاهی، هما دَهێن نِشتگێن جنێن‌چُکّانی پئیما بیت که وتی چِراگِش زرتنت و سالۆنکئے پێشوازیا در کپتنت.

مَتّا 25:7

گڑا آ سجّهێن آگه بوتنت و وتی چِراگانی شَرّ کنگا لگِّتنت.

مَتّا 25:9

داناێن جنکّان پَسّئو دات: ’نه، بلکێن په ماشما سجّهێنان بَسّ مبنت، شما برئوێت چه دُکّانان ٹێل بزورێت.‘