مَتّا 20:21 - هُدائے پاکێن کتاب، بلۆچی زبانا

²¹ ایسّایا چه آییا جُست کرت: ”بگوَش، چے لۆٹئے؟“ گوَشتی: ”وهدے تئیی بادشاهیَ کئیت، لَبز کن که منی دوێن چُکّان گۆن وتَ نندارێنئے، یکّێا وتی راستێن و دومیا چپّێن نێمگا.“

مَتّا 20:21 Referans Kwoze

مَتّا 19:28

ایسّایا گۆن آیان گوَشت: ”شمارا راستێنَ گوَشان، هما نۆکێن دنیایا وهدے انسانئے چُکّ وتی شان و شئوکتئے تَهتئے سرا نندیت، شما که منی همراه اێت، دوازده تَهتئے سرا نندێت و بنی اِسراییلئے دوازدهێن کَبیلهانی دادرسیا کنێت.

مَتّا 18:1

هما وهدا مرید ایسّائے کِرّا آتکنت و جُستِش کرت: ”بارێن، آسمانی بادشاهیا سجّهێنانی مستر و کماش کئے اِنت؟“

زَبور 110:1

اے هُداوندئے پئیگام اِنت په منی هُداوندا: ”منی راستێن نێمگا بنند تان هما وهدا که تئیی دژمنان تئیی پادانی چێرئے پَدَگ و چارچۆبهے بکنان.“

کاسِدانی کار 1:6

وهدے مرید ایسّائے کِرّا مُچّ بوتنت، چه آییا جُستِش کرت: ”او هُداوند! بارێن آ وهد همِش اِنت که تئو بادشاهیا پدا په اِسراییلا پِرَ تَرّێنئے؟“

مَرکاس 6:22

هما وهدا، هیرودیائے جنکّ مجلسا آتک، ناچ و سُهبتی گپت و هیرودیس و آییئے مهمانی وَشدل کرتنت. بادشاها چه گَلا گۆن جنکّا گوَشت: ”هرچے تئیی دلَ لۆٹیت بگوَش، من ترا دئیان.“

مَتّا 20:32

ایسّا اۆشتات و جُستی کرت: ”شما چه من چے لۆٹێت؟ په شما چے بکنان؟“

پولُسئے کاگد په رومیان 12:10

گۆن براتی مِهرے، یکدگرا دۆست بدارێت، په شرپ و اِزّت کنگا چه یکدومیا دێماتر ببێت.

یوهَنّا 15:7

اگن شما منی دل و درونا بمانێت و منی هبر شمئے دلا بماننت، هرچے که لۆٹێت بلۆٹێت، شمارا رسیت.

لوکا 22:24

مریدانی نیاما اَڑ و داواے پاد آتک که ”بارێن، مئے نیاما سجّهێنانی مستر و کماش کئے اِنت؟“

لوکا 19:11

هما وهدا که مردم ایسّائے هبران گۆش دارگا اَتنت، ایسّایا گێش کنان مِسالے آورت. چێا که آ اورشَلیمئے نزّیکّا رَستگ‌اَت و مردمانی گُمان اِش اَت که هُدائے بادشاهی هما وهدا پَدّرَ بیت.

لوکا 18:41

”تئو چه من چے لۆٹئے؟ په تئو چے بکنان؟“ آییا پَسّئو دات: ”او هُداوند! منَ لۆٹان که دوبر بگندان.“

مَرکاس 10:51

ایسّایا جُست کرت: ”چے لۆٹئے؟ من په تئو چے بکنان؟“ گوَشتی: ”او استاد! منَ لۆٹان که دوبر بگندان.“

زَبور 45:9

بادشاهانی جنک تئیی گرانازێن مهمان اَنت، تئیی راستێن نێمگا، مَلکه گۆن اُپیرئے تلاهانی سینگارا اۆشتاتگ.

پولُسئے کاگد په رومیان 8:34

کئے مئیارباریئے هُکما بُرّتَ کنت؟ ایسّا مَسیه، هما اِنت که مُرت و، هئو، چه مُردگان جاه جناێنگ بوت، هما که هُدائے راستێن کَشا اِنت و آییئے درگاها په ما نیامجیگِریَ کنت.

مَرکاس 16:19

اَنچُش که هُداوندێن ایسّایا گۆن آیان وتی هبر هلاس کرتنت، آسمانا برگ بوت و هُدائے راستێن نێمگا نِشت.

مَتّا 20:22

ایسّایا پَسّئو دات: ”شما نزانێت چے لۆٹگا اێت. بارێن، آ جاما که منَ نۆشان شما نۆشِتَ کنێت؟“ گوَشتِش: ”جی هئو، ما وارتیَ کنێن.“