مَتّا 20:2 - هُدائے پاکێن کتاب، بلۆچی زبانا

² آییا، رۆچ‌مُزّ یکّ دینارے گیشّێنت و کارِنده په کارا باگا رئوان داتنت.

مَتّا 20:2 Referans Kwoze

اِلهام 6:6

من چه چارێن سَهدارانی درنیاما تئوارے اِشکت، گوَشگا اَت: ”کیلوے گندم په رۆچێئے مُزّا و سئے کیلو جئو په رۆچێئے مُزّا، بله رۆگن و شرابئے کیمّتا کار مدار.“

په تیموتاووسا پولُسئے دومی کاگد 3:15

ترا سرجمێن پاکێن کتابئے زانت چه گْوانزگا گۆن اِنت. اے کتاب ترا سرپد کرتَ کنت که چۆن ترا ایسّا مَسیهئے سرا ایمانئے برکتا نجاتَ رسیت.

لوکا 10:35

دومی رۆچا، کاروانسرائے هُدابُندی دو دینار دات و گوَشتی: ’اے مردئے هئیالداریا بکن، اگن چه اے زَرّان گێشتر پَکار بوت پِر ترّگئے وهدا ترا دئیان.‘“

لوکا 1:15

چێا که آ، هُداوندئے چمّان مزنێن مردمے بیت. نباید اِنت شراب و دگه هنۆش و بێسار کنۆکێن چیزّان دپ پِر بکنت و بوارت. آ، ماتئے لاپا چه هُدائے پاکێن روها پُرَّ بیت.

مَتّا 22:19

چه هما زَرّان که په مالیاتا دئینت، یکّے منا پێش بدارێت.“ آیان یکّ دینارے پێش کرت.

مَتّا 20:13

باگئے هُدابُندا گۆن یکّێا گوَشت: ’او منی سنگت! من گۆن تئو ناهَکّی نکرتگ. تئو وت گۆن من رۆچے یکّ دینارێا نمَنِّتگ؟

مَتّا 18:28

بله وهدے آ گُلام ڈنّا در آتک، وتی همکارێن گُلامی دیست که آییئے سد دینارئے وامدار اَت، دَستی گُٹّا سکّ داتنت و گوَشتی: ’منی وامان بدئے.‘

مَتّا 9:37

گۆن وتی مریدان گوَشتی: ”کِشار باز اِنت بله رُنۆک کمّ.

مَتّا 20:1

آسمانی بادشاهی، باگێئے هما هُدابندئے پئیما اِنت که په وتی انگوری باگا، کارِندهئے شۆهازا ماهلّه در کپت.

مَتّا 20:3

کِساس سئے ساهتا رَند در آتک و دیستی لهتێن کارنده بازارا بێکار اۆشتاتگ.

مَرکاس 12:15

ایسّایا آیانی اے دوتل و دوپۆستی زانت و گوَشتی: ”چیا منا چَکّاسگا اێت؟ یکّ دینارے بیارێت تان بچاران.“

لوکا 20:24

”منا یکّ دینارے پێش بدارێت، اِشیئے سرا کئیی نام و نَکش پِر اِنت؟“ آیان پَسّئو دات: ”کئیسَرئے.“

مَتّا 20:9

همایان که رۆنندئے نزّیکّا کار بُنگێج کرتگ‌اَت، هرکَسا یکّ دینارے مُزّ رَست.