مَتّا 2:10 - هُدائے پاکێن کتاب، بلۆچی زبانا

¹⁰ چه اے اِستارئے گِندگا، سکّ باز وشدِل بوتنت.

مَتّا 2:10 Referans Kwoze

زَبور 105:3

آییئے پاکێن نامئے سرا پَهر بکنێت، هُداوندئے شۆهاز کنۆکانی دل شادمان بات.

لوکا 2:20

شپانکان، هرچے که اِشکتگ و دیستگ‌اَت، په آیان هُدایا سِپَت و سَنا کنان پِر ترّتنت، چێا که اے سجّهێن هما ڈئولا اَتنت که گۆن آیان گوَشگ بوتگ‌اَت.

لوکا 2:10

بله پرێشتگا گوَشت: ”متُرسێت، منا مِستاگے گۆن اِنت که په شما بازێن وشّیے کاریت و په سجّهێن کئوما وشّێن مِستاگے.

زَبور 67:4

کئوم شادهی کناتنت و شادمانیئے گوانکا بجناتنت، چیا که تئو کئومانی سرا په اِنساپ دادرسیَ کنئے و جهانئے کئومانی رهشۆنَ بئے. اۆشت...

مَتّا 2:9

بادشاهئے هبرانی اِشکنگا رند، نجومی راه گپتنت. راها رئوان، هما اِستار که آیان در آیگا دیستگ‌اَت، آیانی دێما پێش کپان، هما جاگهئے سَربُرا اۆشتات، که نُنُّک اۆدا اَت.

مَتّا 2:11

لۆگا شتنت و نُنُّکِش آییئے مات مَریمئے گوَران دیست. گڑا کۆنڈان کپتنت و چُکِّش پرستش کرت، وتی تُهپه و ٹێکیانی هُکّه و زباددانِش پَچ کرتنت و سُهر و سۆچَگی و مُرِّش په نُنُّکا سئوگات کرتنت.