مَتّا 10:2 - هُدائے پاکێن کتاب، بلۆچی زبانا

² آ دوازدهێن کاسِدانی نام اِش اَنت: پێسرا، شَمون که پِتْرُس هم گوَشگَ بیت و آییئے برات اَنْدْریاس، رندا زِبْدیئے چُکّ، آکوب و آییئے برات یوهَنّا،

مَتّا 10:2 Referans Kwoze

کاسِدانی کار 1:13

وهدے شهرا رَستنت، هما بُرزادی بانا شتنت که پێسرا همۆدا بوتگ‌اَتنت. اے مُچّیئے مردمانی نام اِش اَتنت: پِتْرُس، یوهَنّا، آکوب، اَنْدْریاس، پیلیپُس، توما، بَرتولوما، مَتّا، هَلْپیئے چُکّ آکوب، سَرمچارێن شَمون و آکوبئے چُکّ یَهودا.

مَتّا 4:21

وهدے کمّے دێما شت، دگه دو برات، آکوب و یوهَنّایی دیستنت که زِبْدیئے چُکّ اَتنت. بۆجیگئے تها گۆن وتی پت زِبْدیا نِشتگ‌اَتنت و وتی ماهۆران سْراچگ و شَرّ کنگا اَتنت. ایسّایا آ لۆٹتنت.

یوهَنّا 12:22

پیلیپُس شت و اے هبری گۆن اَنْدْریاسا کرت. آ دوێن شتنت و ایسّااِش هال دات.

یوهَنّا 6:8

چه آییئے مُریدان یکّے که نامی اَنْدْریاس اَت و شَمون‌پِتْرُسئے برات اَت، گوَشتی:

لوکا 5:10

همے ڈئولا، زِبْدیئے دوێن چُکّ، آکوب و یوهَنّا که شَمونئے شریکدار اَتنت، هم هئیران بوتنت. ایسّایا گۆن شَمونا گوَشت: ”متُرس! تان اے وهدا تئو ماهیگ شکار کرتگ، چه اِد و رَند مردمانی دلان شکارَ کنئے.“

مَتّا 4:18

وهدے ایسّا جَلیلئے مَزَن‌گوَرمئے لَمبا گام جنَگا اَت، دو براتی دیست، یکّے شَمون اَت که پَنّامی پِتْرُس اَت و دومی آییئے برات اَنْدْریاس اَت. آیانی کار ماهیگیری اَت و آ وهدا په ماهیگیریا وتی دام و ماهۆران گوَرما چێر گێجگا اَتنت.

لوکا 11:49

پمێشکا، هُدایا چه وتی هِکمتا گوَشتگ: من پئیگمبر و کاسِد په آیان راهَ دئیان، بله آ لهتێنا کُشنت و لهتێنا آزارَ دئینت.

اِلهام 1:9

من، یوهَنّا، شمئے برات آن و هما آزار، بادشاهی و سبر و اۆپارا شمئے همراه آن که مارا ایسّائے نامئے سئوَبا رسنت. من هُدائے هبر و ایسّائے شاهدیئے سئوَبا پَتموسئے جَزیرها اَتان.

یوهَنّائے دومی کاگد 1:1

چه کِلیسائے کماشئے نێمگا، په گچێن کرتگێن بانُک و آییئے چُکّان که په دل منا سکّ دۆست اَنت. تهنا منا نه، هما سجّهێنان هم دۆست اَنت که راستیا زاننت.

پِتْرُسئے دومی کاگد 1:1

چه ایسّا مَسیهئے هِزمتکار و کاسِد، شَمون پِترُسئے نێمگا، په همایان که چه مئے هُدا و رَکّێنۆک ایسّا مَسیهئے برکتا، هما پئیمێن بێبهاێن باوَرے رَستگِش که مارا رَستگ.

پِتْرُسئے ائولی کاگد 1:1

چه ایسّا مَسیهئے کاسِد پِترُسئے نێمگا، په هما سجّهێن دَرانڈێهێن مردمان که پُنتوس، گَلاتیا، کاپادوکیَه، آسیا و بیتینیَهئے دَمگان شِنگ و شانگ اَنت. هُدایا چه وتی پێشزانتی و گۆن وتی پَلگار کنۆکێن پاکێن روها، شمارا گچێن کرتگ تان ایسّا مَسیهئے پرمانبَرداریا بکنێت و هماییئے هۆن شمئے سرا پاشگ و دْرنزگ ببیت. هُدائے رهمت و سُهل و آسودگی شمئے سرا گێش و گێشتر بات.

کاسِدانی کار 12:2

آییا یوهَنّائے برات آکوب گپت و زَهم‌کۆش کرت.

کاسِدانی کار 3:1

یکّ رۆچے، نُهمی ساهتئے زِگر و دْوائے وهدا، پِتْرُس و یوهَنّا مزنێن پرستشگاها رئوگا اَتنت.

کاسِدانی کار 1:26

گڑا، آ دوێنانی سرا پال جتِش و مَتّیاسئے نام در آتک. اے ڈئولا، آ گۆن هما رُمبئے یازدهێن هاسێن کاسِدان هۆر کنگ بوت.

یوهَنّا 21:24

اے هما مُرید اِنت که اے چیزّی نبشته کرتگ‌اَنت و اِشانی راستی و پکّاییئے شاهدیا دنت. ما زانێن که اِشیئے شاهدی راست اِنت.

یوهَنّا 21:20

پِتْرُسا چپّ و چاگرد چارِت و دیستی که هما مُرید که ایسّایا باز دۆست اِنت چه پُشتا پێداک اِنت، هما که شامئے وهدا ایسّائے نزّیکترا کِنزتگ‌اَت و چه آییا جُستی کرتگ‌اَت: ”او هُداوند! کئے ترا دْرۆهیت و دژمنانی دستا دنت؟“

یوهَنّا 21:2

شَمون‌پِتْرُس و توما که آییئے دومی نام دیدیموس اَت و نَتْناییل که چه جَلیلئے مێتگ کانایا اَت و زِبْدیئے چُکّ و دگه دو مُرید یکجاه اَتنت.

یوهَنّا 20:2

آ په مئیدان، شَمون‌پِتْرُس و ایسّائے هما دومی مُریدئے کِرّا آتک که ایسّایا باز دۆست اَت. گوَشتی: ”هُداوندِش چه کَبرا برتگ، بله نزانێن کجا اێرِش کرتگ.“

یوهَنّا 13:23

چه مُریدان یکّے، هما که ایسّایا باز دۆست اَت، ایسّائے کِرّا نِشتگ‌اَت.

لوکا 22:14

هما ساهت که رَست، ایسّا گۆن مریدان پَرزۆنَگئے سرا نِشت.

لوکا 22:8

ایسّایا پِتْرُس و یوهَنّا دێم داتنت و گوَشتی: ”بِرئوێت سَرگوَزئے ائییدئے شامئے تئیاریا بکنێت که بوَرێن.“

لوکا 9:10

وهدے ایسّائے کاسِد چه وتی سپرا پِر ترّت و آتکنت، وتی کرتگێن کارانی هالِش ایسّایا سر کرت. گڑا ایسّایا آ گۆن وت همراه کرتنت و بئیت‌سئیدا نامێن شهرێا شت تانکه چه مردمان دور و گِستا ببنت.

مَرکاس 13:3

وهدے ایسّا مزنێن پرستشگاهئے دێم په دێما زئیتونئے کۆهئے سرا نِشتگ‌اَت، پِتْرُس، آکوب، یوهَنّا و اَنْدْریاس آییئے کِرّا آتکنت و په هَلوت و اِهوتے جُستِش کرت:

مَرکاس 1:29

ایسّا، اَنچُش که چه کَنیسَها در کپت، آکوب و یوهَنّائے همراهیا شَمون و اَنْدْریاسئے لۆگا شت.

مَتّا 26:37

زِبْدیئے دوێن چُکّ و پِتْرُسی وتی همراه کرتنت. اَناگت یکّ مزنێن اندۆه و بێتاهیریے آییئے جسم و جانا نِشت.

مَتّا 20:20

همے وهدا زِبْدیئے چُکّانی مات، وتی چُکّانی همراهیا ایسّائے کِرّا آتک، آییئے پادان کپت و لۆٹتی که په مِنّتگیری چیزّے بگوَشیت.

مَتّا 17:1

شش رۆچا رَند، ایسّایا پِتْرُس، آکوب و آییئے برات یوهَنّا، همراه کرتنت و یکّ بُرزێن کۆهێئے سرا برتنت که اۆدا دگه کَسّ مبیت.

اِلهام 22:8

و منِ یوهَنّا، هما آن که اے چیزّی اِشکتگ و دیستگ‌اَنت. وهدے من اِشکت و دیست، هما پرێشتگئے پادانی دێما په سُجدها کپتان که منا اے چیزّی پێش داشتنت.

اِلهام 1:1

ایسّا مَسیهئے هما اِلهام که هُدایا آییارا دات تان وتی هِزمتکاران هما چیزّان پێش بداریت که اَلّم زوتّ بئیگی اَتنت. آییا وتی پرێشتگے په وتی هِزمتکار یوهَنّایا رئوان دات تان اے اِلهام آشکار ببیت.

یوهَنّائے سئیمی کاگد 1:1

چه کِلیسائے کماشئے نێمگا په دُردانگێن گایوسا که په دل منا سکّ دۆست اِنت.

اِلهام 18:20

آییئے سرا شادهی کنێت، او آسمانان! شادهی کنێت، او هُدائے پَلگارتگێن مردمان، او کاسِد و پئیگمبران! چێا که هُدایا اِشیئے دادرسی هما پئیما کرتگ که اِشیا گۆن شما کرتگ.

مَرکاس 6:30

ایسّائے کاسِد، آییئے گوَرا پِر ترّتنت و وتی سجّهێن کرتگێن کار و داتگێن تالیمئے بارئوا ایسّااِش هال دات.

یوهَنّا 6:67

گڑا ایسّایا چه وتی دوازدهێن کاسدان جُست کرت: ”بارێن، شما هم منا یله دئیگَ لۆٹێت؟“

یوهَنّا 6:70

ایسّایا گوَشت: ”من شمارا گچێن کرت، دوازدهێنُن گچێن کرتنت، بله پدا هم چه شما یکّے اِبلیسے.“

یوهَنّا 6:71

آییئے مکسد شَمون اِسْکَریوتیئے چُکّ یَهودا اَت. بِلّ تُرے آ چه دوازدهێنان یکّے اَت، بله آییا رندا ایسّا دْرۆهِت و دژمنانی دستا دات.