لوکا 9:20 - هُدائے پاکێن کتاب، بلۆچی زبانا

²⁰ آییا جُست کرت: ”شما وت منی بارئوا چے گوَشێت، من کئے آن؟“ پِتْرُسا پَسّئو دات: ”تئو هُدائے راه داتگێن هما مَسیه ائے.“

لوکا 9:20 Referans Kwoze

یوهَنّا 7:41

دگه لهتێنا گوَشت: ”اے مَسیه اِنت.“ بازێنێا چُش هم گوَشت: ”مَسیه چه جَلیلا کئیت؟

یوهَنّا 4:29

”مردے هست، من هرچے کرتگ، آییا منا گوَشتنت. بیاێت بچارێتی، بارێن مَسیه نه‌اِنت؟“

کاسِدانی کار 17:3

آییا گۆن بازێن بئیان و مُهرێن دَلیلان پَدّر کرت که مَسیه باید اِنت سکّی و سۆری بسگّیت، بمریت و پدا چه مُردگان جاه بجنت. گوَشگا اَت: ”اے ایسّا که آییئے بارئوا من شمارا سهیگ کنگا آن، اے هما مَسیه اِنت.“

کاسِدانی کار 9:22

بله شاوول رۆچ په رۆچ زۆرمندترَ بوت و گۆن مُهرێن دَلیلان پێشیَ داشت که ایسّا، مَسیه اِنت و اے ڈئولا آییا دَمِشْکئے یَهودی سَربَتَگ و بێپَسّئو کرتنت.

یوهَنّا 20:31

بله اے چیزّ نبیسگ بوتگ‌اَنت تانکه شما باور بکنێت که ایسّا، مَسیه اِنت و هُدائے چُکّ اِنت. اے هاترا هم نبیسگ بوتگ‌اَنت که شما چه ایمانئے راها، آییئے نامئے برکتا اَبدمانێن زِندئے واهند ببێت.

یوهَنّا 11:27

مَرتایا گوَشت: ”هئو، هُداوند! منا باور اِنت که تئو مَسیه ائے، تئو هُدائے هما چُکّ ائے که اے جهانا آیگی اَت.“

یوهَنّا 4:42

گۆن آ جنێنا گوَشتِش: ”نون ما اێوکا تئیی هبرانی سئوَبا باوَر کنگا نه‌اێن، ما وت هم اے مردئے هبر اِشکتگ‌اَنت و دلجم اێن که اے په راستی جهانئے رَکّێنۆک اِنت.“

یوهَنّا 1:49

نَتْناییلا گوَشت: ”او استاد! تئو هُدائے چُکّ ائے، تئو اِسراییلئے بادشاه ائے.“

یوهَنّا 1:41

آییا ائولی کارے که کرت، اِش اَت که وتی برات شَمونئے کِرّا شت و گوَشتی: ”ما مَسیه در گێتکگ.“

مَرکاس 8:29

گڑا آییا جُست کرت: ”شما وت منی بارئوا چے گوَشێت، من کئے آن؟“ پِتْرُسا پَسّئو دات: ”تئو مَسیه ائے.“

یوهَنّائے ائولی کاگد 5:1

هرکَسا اے باوَرمندی ببیت که ایسّا هما مَسیه اِنت، آ چه هُدایا پێدا بوتگ. هرکَسا که پت دۆست اِنت، چُکّا هم دۆستَ داریت.

کاسِدانی کار 8:36

آ، راها رئوان، یکّ اَنچێن جاگهێا رَستنت که اۆدا آپسَرے هست‌اَت، کلیتدارا گوَشت: ”بچار، اِدا آپ هست‌اِنت، پرواه نێست من همِدا پاکشۆدی بکنان؟“

لوکا 22:67

جُستِش کرت: ”اگن تئو مَسیه ائے گڑا مارا بگوَش.“ ایسّایا پَسّئو دات: ”اگن من بگوَشان، باوَرَ نکنێت.

مَرکاس 14:61

بله ایسّا بێتئوار اَت و هچّ پَسّئوے نداتی. مسترێن دینی پێشوایا پدا چه آییا جُست کرت و گوَشتی: ”تئو هما مَسیه، مَزَن‌شانێن هُدائے چُکّ ائے؟!“

مَتّا 22:42

”مَسیهئے بارئوا شما چے گوَشێت؟ آ کئیی چُکّ اِنت؟“ آیان پَسّئو دات: ”داوود بادشاهئے چُکّ اِنت.“

مَتّا 5:47

اگن اێوکا وتی براتان دْرۆت و دْرَهبات بگوَشێت، گڑا چه دگران شمئے شرتری چے اِنت؟ زانا، آ هُداناباورێن درکئوم هم اَنچُشَ نکننت؟

مَتّا 26:63

بله ایسّایا پَسّئو ندات. مسترێن دینی پێشوایا پدا گۆن آییا گوَشت: ”من ترا نمیرانێن هُدائے سرا سئوگندَ دئیان، مارا بگوَش، بارێن، تئو هما مَسیه، هُدائے چُکّ ائے؟“

لوکا 9:19

آیان پَسّئو دات: ”لهتێنَ گوَشیت تئو پاکشۆدۆکێن یَهیا ائے و لهتێنَ گوَشیت تئو اِلیاس نبی ائے. دگه لهتێن چُش هم گوَشیت، تئو چه پێسریگێن زمانگئے آ دگه نبیان یکّے ائے که پدا زندگ بوتگئے.“