لوکا 9:12 - هُدائے پاکێن کتاب، بلۆچی زبانا

¹² رۆنندئے وهدا، دوازدهێن کاسِد آتکنت و گوَشتِش: ”نون اے مردمان راه دئے که اے گوَر و کِرّانی مێتگ و بازاران برئونت و په وت ورگ و وابجاهے شۆهاز بکننت، چێا که اِدا بَرّ و گیابانێن جاگهے.“

لوکا 9:12 Referans Kwoze

مَتّا 15:23

بله ایسّایا جوابے ندات. نون مریدان دَزبندی کرت: ”اِشیا یَل کن، گلّێنی، مئے رَندا کپتگ و باز کوکّار کنگا اِنت.“

یوهَنّا 6:1

رَندا، ایسّا جَلیلئے مَزَن‌گوَرم بزان تِبِریَهئے مزَن‌گوَرمئے آ دستا شت.

مَتّا 15:32

ایسّایا وتی مرید لۆٹت و گوَشتنت: ”منا اے مردمانی سرا بَزّگَ بیت، سئے رۆچ اِنت منی کِرّا اَنت و نون په ورگا هچِّش نێست. گۆن شدیگێن لاپا اِشان رُکست کنگَ نلۆٹان، چۆ مبیت که راها بتُسنت و بکپنت.“

مَتّا 14:13

اے هبرئے اِشکنگا رند، ایسّا بۆجیگێا سوار بوت و دور و گِستاێن جاهێا تهنکا شت. وهدے مردم سهیگ بوتنت، چه شهران پئیادکا آییئے رَندا گۆن کپتنت.

لوکا 9:11

بله وهدے مردم سَهیگ بوتنت، آییئے رَندا راه گپتنت. ایسّایا آ وشّاتک کرتنت، هُدائے بادشاهیئے بارئوا سر و سۆج داتنت و نادْراهێن مردم هم وشّ و دْراه کرتنت.

لوکا 9:13

بله ایسّایا گوَشت: ”شما وت اِشان وراک بدئیێت.“ آیان پَسّئو دات: ”مئے کِرّا پنچ نگن و دو ماهیگا گێشتر چیزّے نێست، بله هئو، اگن برئوێن په اے سجّهێن مردمان وراک په بها بگرێن.“

په پیلیپیان پولُسئے کاگد 1:19

پرچا که منَ زانان که اے چیزّ منی رَکّگئے راها پچَ کننت، چێا که شما په من دْوا کنێت و ایسّا مَسیهئے روه منا کُمکَّ کنت.