یوهَنّا 9:31 - هُدائے پاکێن کتاب، بلۆچی زبانا

³¹ ماشما زانێن که هُدا گُنهکارانی دْوایا گۆشَ نداریت، هماییئے دْوایا گۆشَ داریت که هُداتُرسے و هُدائے واهگانی سرا کارَ کنت.

یوهَنّا 9:31 Referans Kwoze

زَبور 145:19

هرکَسا که هُدائے تُرس دلا اِنت، هُدا آییئے واهگان پورهَ کنت و آییئے پریاتان گۆشَ داریت و رَکّێنیتی.

یوهَنّا 15:16

شما منا گچێن نکرتگ، من شمارا گچێن کرتگ و دێم داتگ که شما برئوێت و بَر و سَمر بیارێت، اَبدمانێن بَر و سَمر. گڑا هرچے که منی نامئے سرا چه پتا بلۆٹێت، شمارا دنت.

یوهَنّا 4:34

ایسّایا گوَشت: ”منی وراک اِش اِنت که وتی دێم دئیۆکئے واهگا پوره بکنان و آییئے کاران سَرجم بکنان.

زَبور 18:41

په کُمکا پِریاتَ کننت بله رَکّێنۆکے نێست، چه هُداوندا کُمکَ لۆٹنت، بله پَسّئوَ ندنت.

یوهَنّا 7:17

هرکَس که هُدائے واهگان سَرجم کنگ بلۆٹیت، زانت که منی تالیم هُدائیگ اَنت یا من چه وت هبرَ کنان.

زَبور 143:10

منا تالیم بدئے که تئیی رزائے سرا کار بکنان، چێا که تئو منی هُدا ائے، تئیی نێکێن روه تچکێن راها منی رهشۆن بات.

پێدایش 20:7

نون اے مردئے جَنا بِدئے. اے مرد نَبیے. په تئو دْوا کنت و تئو زندگَ مانئے. بله اگن اے مردئے جَنا مدئیئے، دلجم بئے که تئیی جند و تئیی سجّهێن مردم اَلّما مرنت.“

پێدایش 19:29

هُدایا که دشتئے شهر سَر و چێر کرتنت، اِبراهێمئے تْرانگا کپت. هما شهران که لوت جَهمنند بوتگ‌اَت، آیانی تباه کنگئے وهدا هُدایا لوت چه اۆدا در کرت.

زَبور 106:23

گڑا هُدایا گوَشت: ”گار و گُمسارِشَ کنان.“ بله آییئے گچێن کرتگێن موسّا نیاما کپت و په آیانی تباه کنگا هُدائے گزبی داشت.

زَبور 99:6

موسّا و هارون چه هماییئے دینی پێشوایان اتنت و سَموییل هم چه همایان اَت که هُداوندئے نامِش گپت. هُداوندِش تئوار کرت و آییا پَسّئو داتنت.

زَبور 40:8

او منی هُدا! اَرمانُن تئیی لۆٹ و واهگئے سَرجم کنگ اِنت، تئیی شَریَت منی دلا اِنت.“

یوهَنّا 9:30

مردا گوَشت: ”اے اَجَبێن هبرے. آییا منی چمّ رُژنا کرتگ‌اَنت و شما نزانێت که چه کجا آتکگ.

یوهَنّا 9:32

چه اَزلا کَسّا هچبر نه‌اِشکتگ که یکّێا پێدائِشی کۆرے بینا کرتگ.

یوهَنّا 11:22

بله منَ زانان که هر چیزّے که تئو چه هُدایا بلۆٹئے، انّون هم ترا دنت.“