یوهَنّا 9:22 - هُدائے پاکێن کتاب، بلۆچی زبانا

²² آییئے پت و ماتا چه یَهودیان تُرست، پمێشکا اے ڈئولا پَسّئوِش دات. یَهودیان چه پێسرا شئور کرتگ‌اَت که هرکَس باوَر بکنت و بگوَشیت که ایسّا، مَسیه اِنت، آییا چه کَنیسَها درَ کنێن.

یوهَنّا 9:22 Referans Kwoze

یوهَنّا 16:2

شمارا چه کَنیسَهان درَ کننت. چُشێن وهدے هم کئیت که شمئے کُشۆک گُمانَ کننت که گۆن شمئے کُشگا هُدائے هِزمتا کنگا اَنت.

یوهَنّا 7:13

بله چه یَهودیانی تُرسا، کَسّا مردمانی دێما آییئے بارئوا هچَّ نگوَشت.

لوکا 6:22

بَهتاور اێت شما، وهدے مردم په انسانئے چُکّئیگی شمارا آزارَ دئینت و چه وت دور و گِستا کننت، دُژمانَ دئینت و بَنّامَ کننت.

یوهَنّا 9:34

گوَشتِش: ”تئو وت سرا تان پادان گناهئے چُکّ ائے و مارا تالیمَ دئیئے؟“ گڑا آ مردِش گَلّێنت.

اِلهام 21:8

بله لگۆر و ناباور و هما که بَژّناک اَنت، هۆنیگ و زِنهکار و جادوگر و بُت‌پرست و سجّهێن درۆگبند، اِشانی آسر اِش اِنت که آسئے گوَرما گۆن آس و گۆکُرتا سۆچگ ببنت. اے دومی مرک اِنت.“

کاسِدانی کار 5:40

کاسِدِش لۆٹت و آورتنت، لَٹّ و کُٹّ کناێنت و مکن کرتنت که په ایسّائے ناما دگه برے هبر مکننت. نون یله‌اِش داتنت.

کاسِدانی کار 5:13

باوَرمند، مردمانی گوَرا باز اِزَّتمند اَتنت، بله چه آ دگران کَسێا اے دل و جُریت نێست‌اَت که گۆن آیان هۆر ببیت.

کاسِدانی کار 4:18

پِتْرُس و یوهَنّااِش پدا لۆٹت و هُکم داتنت که هچبر ایسّائے ناما چیزّے مگوَشنت و درس و سَبکّ مدئینت.

یوهَنّا 20:19

هما یکشَمبِهئے شپا، وهدے مُرید چه یَهودیانی تُرسا لۆگێئے تها مُچّ اَتنت و لۆگئے دروازگ کُبل اَتنت، ایسّا آتک و آیانی نیاما اۆشتات و گوَشتی: ”اێمنی و سلامتی په شُما.“

یوهَنّا 19:38

رَندا، ایسُّپ نامێن مردے که اَریماتیائے شهرئے نندۆک اَت، پیلاتوسئے کِرّا شت و ایسّائے جۆنی لۆٹت. آ ایسّائے مُریدے اَت بله چێرُکایی، چێا که چه یَهودیانَ تُرسِتی. پیلاتوسا اِجازت دات و آییا جۆن برت.

یوهَنّا 1:19

وهدے اورشَلیمئے شهرئے یَهودیان وتی لهتێن دینی پێشوا و لاوی کَبیلهئے مردم یَهیائے کِرّا رئوان دات که جُست بگرنت: ”تئو کئے ائے؟“ آییا اِنکار نکرت، تچک و په راستی گواهی دات و گوَشتی: ”من مَسیه نه‌آن.“

یوهَنّا 9:18

تانکه مردئے پت و ماتِش نلۆٹاێنتنت، یَهودیان باوَر نبوت که اے مرد کۆر بوتگ و نون گِندگا اِنت.

یوهَنّا 9:21

بله نزانێن نون چۆنَ گندیت و اِشیئے چمّ کئیا رُژنا کرتگ‌اَنت. چه اِشیئے جندا جُست بگرێت، رُستگ و مزن اِنت، وتی هبرا وتَ کنت.“

یوهَنّا 9:35

وهدے ایسّایا اِشکت که بینا بوتگێن مردِش گلّێنتگ، آ مردی در گێتک و گوَشتی: ”ترا انسانئے چُکّئے سرا ایمان هست؟“