یوهَنّا 8:17 - هُدائے پاکێن کتاب، بلۆچی زبانا

¹⁷ شمئے شَریَتا نبیسگ بوتگ که دو مردمئے شاهدیا اِهتبار هست.

یوهَنّا 8:17 Referans Kwoze

مَتّا 18:16

بله اگن تئیی هبری نمَنِّت، گڑا یکّ و دو کَس همراه بکن، چێا که هر چیزّئے راستی، گۆن دو یا سئے مردمئے شاهدیا پَدّر کنگ ببیت.

په گَلاتیان پولُسئے کاگد 3:24

گڑا، شَریَت مئے سَرپرست بوتگ که مارا تان مَسیها سر بکنت، تانکه ما ایمانئے سئوَبا بێگناه و بێمئیار هِساب ببێن.

اِلهام 11:3

و من وتی دو شاهدا واک و اِهتیارَ دئیان که تان هما هزار و دو سَد و شستێن رۆچان پئیگمبری بکننت. اِشان گۆنی گوَرا بیت.“

په گَلاتیان پولُسئے کاگد 4:21

منا بگوشێت، شما که شَریَتئے پابند بئیگَ لۆٹێت، نزانێت که شَریَت چے گوَشیت؟

یوهَنّائے ائولی کاگد 5:9

اگن ما انسانئے گواهیا مَنّێن، گڑا هُدائے گواهی باز مستر اِنت، چێا که هُدائے گواهی هما اِنت که وتی چُکّئے بارئوا داتگی.

یوهَنّا 15:25

آیانی شَریَتا نبشته اِنت که ’مُپتا چه من نَپرتِش کرت.‘ اے ڈئولا اے هبر راست و سَرجم بوت.

یوهَنّا 10:34

ایسّایا گوَشت: ”شمئے شَریَتا اے پئیما نِبیسگ نبوتگ: منِ هُدا گوَشان که شما هُدا اێت؟