یوهَنّا 8:15 - هُدائے پاکێن کتاب، بلۆچی زبانا

¹⁵ شما گۆن انسانی چمّے چارێت و دادرسیَ کنێت، بله من هچکَسئے بارئوا شئور و هُکمَ نبُرّان.

یوهَنّا 8:15 Referans Kwoze

یوهَنّا 12:47

بله اگن کَسے منی هبران بِشکنت و آیانی سرا کار مکنت، اَنگت هم من آییا مئیاربارَ نکنان. چێا که من په جهانئے مئیاریگ کنگا نئیاتکگان، په جهانئے رَکّێنگا آتکگان.

یوهَنّا 7:24

زاهرا مچارێت و پئیسله مکنێت، وتی شئور و هُکمان په اِنساپ ببُرّێت.“

یوهَنّا 3:17

هُدایا وتی چُکّ په جهانئے مئیاریگ کنگا جهانا رئوان ندات، پمێشکا رئوانی دات که چه آییئے وسیلها جهانا برَکّێنیت.

یوهَنّا 18:36

ایسّایا گوَشت: ”منی بادشاهی دنیایی بادشاهیے نه‌اِنت. اگن منی بادشاهی دنیایی بادشاهیے بوتێن، منی هِزمتکاران جنْگ کرتگ‌اَت که من یَهودیانی دستا مکپان. بله منی بادشاهی دنیایی بادشاهیے نه‌اِنت.“

پولُسئے کاگد په رومیان 2:1

پمێشکا تئو، هرکَس که ببئے، وهدے دگران مئیاریگَ کنئے، ترا هم اُزرے نێست. چێا که گۆن دگرێئے مئیاریگ کنگا، وتا مئیاریگَ کنئے. پرچا که تئو وَت هما کارانَ کنئے.

یوهَنّا 8:11

جنێنا گوَشت: ”نه واجه! کَسّ پَشت نکپت.“ ایسّایا گوَشت: ”من هم ترا مئیاربارَ نکنان، برئو بله دگه برے گناه مکن.“

آکوب 2:4

گڑا شما وتی نیاما پَرک و پێرے نه‌اِشت و گۆن وتی سِلّێن هئیالان اێر جنَگی کارے نکرت؟

لوکا 12:14

ایسّایا پَسّئو دات: ”او مرد! کَسێا منا شمئے میراسئے بهر کنۆک نکرتگ.“