یوهَنّا 5:16 - هُدائے پاکێن کتاب، بلۆچی زبانا

¹⁶ یَهودیان ایسّائے آزار دئیگ بِندات کرت، چێا که آییا شَبَّتئے رۆچا چُشێن کارَ کرتنت.

یوهَنّا 5:16 Referans Kwoze

یوهَنّا 15:20

چه اے هبرا بێهئیال مبێت که من گۆن شما گوَشتگ: ’گُلام چه واجها مسترَ نبیت.‘ اگن آیان منا آزار داتگ، شمارا هم آزارَ دئینت. اگن منی هبرِش زرتگ، شمئے هبرا هم زورنت.

یوهَنّا 10:39

گڑا آیان پدا لۆٹت که ایسّایا دَزگیر بکننت، بله ایسّا چه آیانی دَزرسا دور بوت.

یوهَنّا 7:25

گڑا اورشَلیمئے لهتێن مردم گوَشگا لگّت: ”اے هما نه‌اِنت که اِشیئے کُشگئے رَندا اَنت؟

یوهَنّا 5:13

بله دْراه بوتگێن مردا نزانت که آ کئے اَت. چێا که اۆدا مردم مُچّ اَتنت و ایسّا مُچّیئے تها شتگ‌اَت.

لوکا 6:11

شَریَتئے زانۆگر و پَریسی سکّ زَهر گپتنت و وت‌مان‌وتا شئور و سَلاهِش کرت که گۆن ایسّایا چے بکننت.

مَرکاس 3:6

گڑا پَریسی ڈنّا شتنت و په ایسّائے کۆشارێنگا گۆن هیرودیان شئور و سَلاهِش بُنگێج کرت.

مَتّا 12:13

نون گۆن آ مردا گوَشتی: ”دستا شهار دئے.“ آییا دست شهار دات و دومی دستئے ڈئولا وشّ و دْراه بوت.

یوهَنّا 1:19

وهدے اورشَلیمئے شهرئے یَهودیان وتی لهتێن دینی پێشوا و لاوی کَبیلهئے مردم یَهیائے کِرّا رئوان دات که جُست بگرنت: ”تئو کئے ائے؟“ آییا اِنکار نکرت، تچک و په راستی گواهی دات و گوَشتی: ”من مَسیه نه‌آن.“

یوهَنّا 5:10

پمێشکا یَهودیان گۆن دْراه بوتگێن مردا گوَشت: ”مرۆچی شَبَّتئے رۆچ اِنت، ترا وتی نپادانی چست کنگئے هَکّ نێست.“

یوهَنّا 5:15

نون مرد شت و گۆن یَهودیان گوَشتی: ”آییا که منا دْراه و سلامت کرت، آ ایسّا اَت.“

یوهَنّا 5:17

بله ایسّایا گۆن آیان گوَشت: ”منی پت اَنگت کارا اِنت، من هم کارَ کنان.“

یوهَنّا 5:18

چه اے هبران، یَهودیان په آییئے کُشگا گێشتر تچ و تاگَ کرت. چێا که شَبَّتئے هُکمئے پرۆشگا اَبێد، آییا هُدا هم وتی جندئے پت گوَشت و اے ڈئولا، وتا گۆن هُدایا برابری کرت.

یوهَنّا 7:21

ایسّایا آیانی پَسّئوا گوَشت: ”من تهنا یکّ کارے کرتگ و شما سجّهێن چۆ هئیران و هَبَکّه اێت.