یوهَنّا 19:42 - هُدائے پاکێن کتاب، بلۆچی زبانا

⁴² یَهودیانی تئیاریئے رۆچ اَت و کَبر نزّیکّا اَت، پمێشکا ایسّائے جۆنِش همۆدا کَبر کرت.

یوهَنّا 19:42 Referans Kwoze

یوهَنّا 19:31

آ رۆچ، شَبّتئے تئیاریئے رۆچ اَت. یَهودیان نلۆٹت که سلیب کَشّتگێنانی جۆن و جَسَد شَبَّتئے رۆچا سَلیبئے سرا لۆنجان ببنت، چێا که اے هاسێن شَبَّتے اَت. پمێشکا چه پیلاتوسا دَزبندی‌اِش کرت که آ سئیێنانی پادان پرۆش و چه سَلیبانی سرا اێرِش گێج.

یوهَنّا 19:14

سَرگوَزئے ائییدئے تئیاریئے رۆچا، نێمرۆچئے وهدا، پیلاتوسا گۆن یَهودیان گوَشت: ”بچارێت، اِش اِنت شمئے بادشاه!“

یوهَنّا 19:41

هما جاگهئے نزّیکّا که ایسّا سَلیب کشّگ بوت، باگے هست‌اَت که اۆدا نۆکێن کَبرے جتگ‌اَتِش و اَنگت کَسّ آییئے تها کَبر کنگ نبوتگ‌اَت.

کاسِدانی کار 13:29

آییئے بارئوا هرچے نبیسگ بوتگ‌اَت، آیان سَرجم کرتنت و چه سَلیبئے دارا اێر گێتک و کبرِش کرت.

یوهَنّا 19:20

چه یَهودیان بازێنێا اے مئیارنامگ وانت، چێا که ایسّائے سَلیب کَشّگئے جاگه چه شهرا دور نه‌اَت و مئیارنامگ اِبرانی و لاتینی و یونانی زبانان نبیسگ بوتگ‌اَت.

مَتّا 12:40

اَنچُش که یونُس تان سئے رۆچ و سئے شپا ٹوهێن ماهیگئے لاپا اَت، همے پئیما انسانئے چُکّ تان سئے رۆچ و سئے شپا زمینئے لاپا بیت.

زَبور 22:15

زۆر و تاگتُن کونزگی چُنڈے که هُشک بوتگ و زبانُن نُکّا لَچّتگ، منا مرکئے هاکا واپێنتگِت.