یوهَنّا 16:3 - هُدائے پاکێن کتاب، بلۆچی زبانا

³ آ اے کارانَ کننت، چێا که نه پتا زاننت و نه منا.

یوهَنّا 16:3 Referans Kwoze

یوهَنّا 15:21

په منی نامئیگی گۆن شما اے ڈئولا کننت، چێا که منی دێم دئیۆکا نزاننت.

یوهَنّا 17:25

او آدلێن پت! هرچُنت که جهانا ترا نزانتگ، من ترا زانتگ. نون آ هم زاننت که تئو منا رئوان داتگ.

په تِسالونیکیان پولُسئے دومی کاگد 1:8

همایان سِزا دنت که هُدایا پَجّاهَ نئیارنت و مئے هُداوندێن ایسّائے وشّێن مِستاگئے پرمانبرداریا نکننت.

یوهَنّا 8:55

شما آییا نزانێت، بله من آییا زانان. اگن من بگوَشتێن که آییا نزانان، شمئے ڈئولا درۆگبند بوتگ‌اَتان، بله من آییا زانان و آییئے هبرا زوران.

یوهَنّا 8:19

آیان گوَشت: ”تئیی پت کجا اِنت؟“ ایسّایا پَسّئو دات: ”شما نه منا زانێت و نه منی پتا. اگن شما منا بزانتێن، شما منی پت هم زانتگ‌اَت.“

یوهَنّائے ائولی کاگد 4:8

آ که مِهرَ نکنت هُدایی نزانتگ، چێا که هُدا مِهر اِنت.

یوهَنّائے ائولی کاگد 3:1

بچارێت که پتا چۆنێن مِهرے مارا بَکشتگ که هُدائے چُکّ زانگ ببێن و بێشکّ ما هُدائے چُکّ اێن. دنیا مارا نزانت و پَجّاهَ نئیاریت چێا که دنیایا آ هم پَجّاه نئیاورت.

یوهَنّا 17:3

او یکّ و بَرهَکّێن هُدا! اَبدمانێن زِند همِش اِنت که اے مردم ترا بزاننت و تئیی رئوان داتگێن ایسّا مَسیها پَجّاه بیارنت.

یوهَنّائے ائولی کاگد 5:20

اے چیزّا هم زانێن که هُدائے چُکّ آتکگ و مارا اے پۆه و زانتی داتگ که آ ”راستێنا“ بزانێن. ما هما ”راستێنئے“ اَرواه و جَبینا اێن، آییئے چُکّ ایسّا مَسیهئے اَرواه و جَبینا. راستێن هُدا و نمیرانێن زِند، هما اِنت.

یوهَنّا 15:23

هرکَس که چه من نَپرتَ کنت، چه منی پتا هم نَپرتَ کنت.

لوکا 10:22

سجّهێن چیزّ، پتا منی دستا داتگ‌اَنت. اَبێد چه پتا، هچکَس چُکّا نزانت، همے ڈئولا، اَبێد چه چُکّا و هما مردمان که چُکّ بلۆٹیت پتا په آیان پَدّر بکنت، دگه هچکَس پتا نزانت.“

په تیموتاووسا پولُسئے ائولی کاگد 1:13

هر چُنت که پێسرا کُپر کنۆک، آزار دئیۆک و شِدّتیێن مردمے اَتان، بله هُداوندا منی سرا رَهم کرت، چێا که من چه وتی ناباوریا زانَگا نه‌اَتان که چے کنگا آن.

کاسِدانی کار 3:17

نون، او براتان! منَ زانان که شمئیگ و شمئے کماشانی کار و کِرد، چه نازانتیا اَت.

یوهَنّائے ائولی کاگد 2:23

هرکَس که چُکّا نمَنّیت، پت هم آییئیگَ نبیت. هرکَس که چُکّا مَنّیت، پت هم آییئیگَ بیت.