یوهَنّا 15:10 - هُدائے پاکێن کتاب، بلۆچی زبانا

¹⁰ اگن منی هُکمانی سرا کار بکنێت، منی مِهرانی ساهگا مانێت، اَنچُش که من وتی پتئے هُکمانی سرا کار کرتگ و آییئے مِهرانی ساهگا نِشتگان.

یوهَنّا 15:10 Referans Kwoze

یوهَنّا 14:15

اگن شما منا دۆستَ دارێت، گڑا منی هُکمانَ مَنّێت.

یوهَنّائے ائولی کاگد 5:3

هُدادۆستی همِش اِنت که هُدائے هُکمان کار ببندێن و آییئے هُکم گرانێن بارے هم نه‌اِنت.

یوهَنّائے ائولی کاگد 2:5

بله کَسے که آییئے هبرانی سرا کارَ کنت، په راستی، هُدائے مِهر آییئے دلا کامل و سررێچ بوتگ. چه همے چیزّا زانێن که ما ایسّا مَسیهئے اَرواه و جَبینا اێن.

پِتْرُسئے دومی کاگد 2:21

اے مردمان، اگن چه پاکی و پهرێزکاریئے راها هچّ مزانتێن، په آیان گهتر اَت چه اِشیا که زانگا و رند، چه اے پاکێن هُکما ببجّنت که آیانی سپرده کنگ بوتگ.

یوهَنّا 8:29

منی دێم دئیۆک گۆن من گۆن اِنت، آییا منا تهنا و اێوَک نکرتگ، چێا که من مُدام هما کارانَ کنان که آییا گَل و شادانَ کننت.“

یوهَنّا 4:34

ایسّایا گوَشت: ”منی وراک اِش اِنت که وتی دێم دئیۆکئے واهگا پوره بکنان و آییئے کاران سَرجم بکنان.

په تِسالونیکیان پولُسئے ائولی کاگد 4:1

براتان! دگه گپّے اِش اِنت، ما شمارا سۆج داتگ که وتی زِندا چۆن بگوازێنێت که هُدا چه شما وشّ و رزا ببیت و شما اَنچُش کنگا اێت هم. نون هُداوندێن ایسّائے ناما گۆن شما دَزبندیَ کنێن و گوَشێن که اے چیزّا رۆچ په رۆچ گێشتر بکنێت.

یوهَنّا 17:4

آ کار که تئو منا داتگ‌اَت که سَرجمی بکنان، من سَرجم کرت و اے ڈئولا په جهانا تئیی شان و شئوکتُن زاهر کرت.

یوهَنّا 14:31

من بَسّ هما کارانَ کنان که پتا منا پرماتگ‌اَنت، تانکه جهان بزانت که من پتا دۆستَ داران. پاد آێت، چه اِدا رئوێن.

یوهَنّا 12:49

چێا که من وتسرا هبر نکرتگ، هما پتا که منا رئوان داتگ، آییا هُکم داتگ که چے بگوَشان و چۆن هبر بکنان.

اِلهام 22:14

بَهتاور هما اَنت که وتی پۆشاکانَ شۆدنت تانکه چه زِندئے درچکا ورگئے اجازتِش ببیت و چه شهرئے دروازگان، تها شت بکننت.

یوهَنّا 14:21

آ کَسا که منی هُکم گۆن اَنت و اِشانی سرا کارَ کنت، هما کَس منا دۆستَ داریت. آ که منا دۆستَ داریت، منی پت هم آییا دۆستَ داریت و من هم آییا دۆستَ داران و وتا په آییا زاهرَ کنان.“

یوهَنّا 8:55

شما آییا نزانێت، بله من آییا زانان. اگن من بگوَشتێن که آییا نزانان، شمئے ڈئولا درۆگبند بوتگ‌اَتان، بله من آییا زانان و آییئے هبرا زوران.

یوهَنّا 10:18

کَسّ منی ساها چه من پچ گپتَ نکنت، من گۆن وتی جندئے واهگا وتی ساها نَدرَ کنان. منا وتی ساهئے دئیگئے اهتیار هست‌اِنت و پدا آییئے دستا آرگئے اهتیار هم هست‌اِنت. اے کار پتا منا پرماتگ.“

یوهَنّا 14:23

ایسّایا پَسّئو تَرّێنت: ”آ کَس که منا دۆستَ داریت، هما هبرانی سرا کارَ کنت که من گوَشتگ‌اَنت. منی پت آییا دۆستَ داریت و من و پتَ کاێن و آییئے کِرّا لۆگ و جاگهَ کنێن.

یوهَنّائے ائولی کاگد 2:3

اگن ما آییئے هُکم و پرمانانی سرا کار بکنێن، گڑا سرپدَ بێن که ما آییا زانێن.

یوهَنّائے ائولی کاگد 2:6

کَسے که گوَشیت: ”من آییئے اَرواه و جَبینا آن،“ باید اِنت هماییئے راها برئوت.

دَرگوَز 7:6

موسّا و هارونا اَنچُش کرت. هما پئیما که هُداوندا هُکم داتگ‌اَتنت، آیان هما پئیما کرت.