یوهَنّا 14:7 - هُدائے پاکێن کتاب، بلۆچی زبانا

⁷ نون که شما منا زانتگ، منی پتا هم زانێت، بزان چه اِد و رَند شما آییا زانێت و شما آ دیستگ.“

یوهَنّا 14:7 Referans Kwoze

یوهَنّا 8:19

آیان گوَشت: ”تئیی پت کجا اِنت؟“ ایسّایا پَسّئو دات: ”شما نه منا زانێت و نه منی پتا. اگن شما منا بزانتێن، شما منی پت هم زانتگ‌اَت.“

لوکا 10:22

سجّهێن چیزّ، پتا منی دستا داتگ‌اَنت. اَبێد چه پتا، هچکَس چُکّا نزانت، همے ڈئولا، اَبێد چه چُکّا و هما مردمان که چُکّ بلۆٹیت پتا په آیان پَدّر بکنت، دگه هچکَس پتا نزانت.“

یوهَنّا 17:8

چێا که آ هبر که تئو منا گوَشتگ‌اَنت، من اِشانا سر کرتگ‌اَنت و اِشان هم مَنِّتگ‌اَنت. نون اِشان په دل زانتگ که من چه تئیی نێمگا آتکگان و باوَرِش کرتگ که تئو منا رئوان داتگ.

یوهَنّا 17:6

من تئیی نام په همایان پَجّارێنت که تئو چه جهانا گچێن کرتگ و منا داتگ‌اَنت. اے مردم تئیی بوتگ‌اَنت و تئو منا داتگ‌اَنت. اِشان تئیی هبر زرتگ.

یوهَنّائے ائولی کاگد 2:13

او واجهێن پتان! په شما نبیسگا آن، چێا که شما آییا زانێت، هما که چه اَزلا اِنت. او وَرنایان! په شما نبیسگا آن، چێا که شما شئیتانئے سرا بالادست بوتگێت.

یوهَنّا 17:26

من تئیی نام په آیان پَجّارێنت و اَنگت هم پَجّارێنانی، تانکه هما مِهر که ترا په من هست‌اِنت، آیانی دل و درونا ببیت و من هم آیانی دل و درونا ببان.“

یوهَنّا 17:23

من آیانی دل و درونا بمانان و تئو منیگا و آ سَرجما همسِتک و همدل ببنت، تانکه جهان بزانت که تئو منا رئوان داتگ و اَنچۆ که تئو منا دۆست داشتگ، آ هم تئو همے پئیم دۆست داشتگ‌اَنت.

یوهَنّا 17:21

که آ سجّهێن یکّ ببنت. او پت! هما ڈئولا که تئو منی دل و درونا ائے و من تئییگا، آ هم مئے دل و درونا ببنت، تانکه جهان باور بکنت که تئو منا رئوان داتگ.

یوهَنّا 16:3

آ اے کارانَ کننت، چێا که نه پتا زاننت و نه منا.

یوهَنّا 17:3

او یکّ و بَرهَکّێن هُدا! اَبدمانێن زِند همِش اِنت که اے مردم ترا بزاننت و تئیی رئوان داتگێن ایسّا مَسیها پَجّاه بیارنت.

یوهَنّا 15:24

اگن آیانی دێما من آ کار مکرتێننت که دگه کَسّا نکرتگ‌اَنت، بێمئیار اَتنت. بله نون وَه آیان اے کار دیستگ‌اَنت و اَنگت چه من هم نَپرتَ کننت و چه منی پتا هم.

یوهَنّا 6:46

کَسّا پت ندیستگ اَبێد چه هماییا که چه هُدائے کِرّا آتکگ.

یوهَنّا 1:18

کَسّا هچبر هُدا ندیستگ، بله هما یکدانگێن چُکّ که پتئے بگلا اِنت، هماییا هُدا پَجّارێنتگ.

مَتّا 11:27

سجّهێن چیزّ، پتا منی دستا داتگ‌اَنت. اَبێد چه پتا، هچکَس چُکّا نزانت. همے ڈئولا، دگه هچکَس پتا نزانت، اَبێد چه چُکّا و هما مردمان که چُکّ بلۆٹیت پتا په آیان پَدّر بکنت.