یوهَنّا 12:20 - هُدائے پاکێن کتاب، بلۆچی زبانا

²⁰ هما مردم که ائییدا په پرستشا اورشَلیما آتکگ‌اَتنت، آیانی تها لهتێن یونانی هم مان اَت.

یوهَنّا 12:20 Referans Kwoze

یوهَنّا 7:35

گڑا یَهودیان گۆن یکدگرا گوَشت: ”کجا رئوت که ما آییا در گێتکَ نکنێن؟ بارێن مئے هما مردمانی کِرّا رئوت که یونانیانی نیاما شِنگ و شانگ اَنت و اۆدا یونانیان هم تالیمَ دنت؟

کاسِدانی کار 17:4

چه یَهودیان لهتێن، اَنچُش هم چه آ هُداتُرسێن یونانیان و دگه مزنێن رُمبے چه نامدارێن جنێنان، اے هبر په دل مَنِّتنت و پولُس و سیلاسئے همراه بوتنت.

کاسِدانی کار 8:27

آ پاد آتک و راه گپت. راها، گوَهتگێن مردے دیستی که هَبَشَهئے مُلکا، ”مَلکه کَنْداکَهئے“ کلیتدار اَت. اے مرد اورشَلیما په زِگر و دْوایا شتگ‌اَت و

مَرکاس 7:26

اے جنێن یونانیے اَت و سوریَهئے دَمگ پینیکیَها پێدا بوتگ‌اَت. آییا ایسّا مِنَّت و دَزبندی کرت که جِنّا چه جنکّا در بکنت.

په گَلاتیان پولُسئے کاگد 2:3

تیتوس هم که منی همراه اَت، بِلّ تُرے یونانیے اَت، بله په سُنّتا مجبور کنگ نبوت.

کاسِدانی کار 21:28

کوکّارِش کرت: ”او اِسراییلیان! بیاێت مارا کُمکّ بکنێت. اے مرد، پولُس هما اِنت که هر جاگه گۆن هرکَسا، مئے کئوم و موسّائے شَریَت و هُدائے اے پاکێن لۆگئے هِلاپا تالیمَ دنت. انّون هم درکئومێن یونانی مردمی مزنێن پرستشگاها آورتگ و هُدائے پاکێن لۆگی پلیت کرتگ.“

کاسِدانی کار 20:21

من یَهودی و یونانی، دوێن پنت و سۆج داتگ‌اَنت که چه وتی رَدێن کاران تئوبه بکننت، هُدائے راها بگرنت و مئے هُداوندێن ایسّائے سرا ایمان بیارنت.

کاسِدانی کار 16:1

پدا پولُس، دِرْبِه و لِسْتْرَهئے شهران آتک و رَست. لِسْتْرَها تیموتاووس نامێن مریدے هست‌اَت که آییئے مات باوَرمندێن یَهودی و پت یونانیے اَت.

کاسِدانی کار 14:1

پولُس و بارنابا وتی هێل و آدتئے پدا، اِکُنیَهئے شهرا هم یَهودیانی کَنیسَها شتنت. اۆدا آیان اَنچێن دابێا هبر کرت که بازێن یَهودی و یونانی باوَرمند بوتنت.

په گَلاتیان پولُسئے کاگد 3:28

هُدائے کرّا پرک و پێر نێست که شما یَهودی اێت یا درکئوم، گُلام اێت یا آزات، مردێن اێت یا جنێن، چێا که شما سجّهێن ایسّا مَسیهئے برکتا یکّ اێت.

پولُسئے کاگد په رومیان 10:12

اے بارئوا یَهودی و یونانیئے نیاما پرک و پێرے نێست. چێا که همے یکّێن هُداوند، سجّهێنانی هُداوند اِنت و په هما درُستیگێن مردمان بێکِساس سَکی و بَکشۆک اِنت که آییا تئوارَ کننت.

پولُسئے کاگد په رومیان 1:16

پرچا که چه ایسّائے وشّێن مِستاگا پَشل و شرمندگ نه‌آن، اے په هر هما کَسئے رَکّێنگا هُدائے زۆر و توان اِنت که باورَ کنت، ائولا په یَهودیان و رندا په دَرکئومان.

یوهَنّا 12:1

چه سَرگوَزئے ائییدا شَش رۆچ پێسر ایسّا بئیت‌اَنیایا شت که ایلازَرئے لۆگ همۆدا اَت، هما ایلازَر که ایسّایا چه مُردگان زِندگ کرتگ‌اَت.

یوهَنّا 12:19

گڑا پَریسیان گۆن یکدگرا گوَشت: ”بچارێت، ماشما هچّ کرت کنگا نه‌اێن، سجّهێن دنیا اِشیئے راها اِنت.“