یوهَنّا 11:57 - هُدائے پاکێن کتاب، بلۆچی زبانا

⁵⁷ بله پَریسی و مزنێن دینی پێشوایان هُکم داتگ‌اَت: ”هرکَس که زانت ایسّا کجا اِنت، مارا هال بدنت.“ آیانی دلا اَت که ایسّایا دَزگیر بکننت.

یوهَنّا 11:57 Referans Kwoze

یوهَنّا 10:39

گڑا آیان پدا لۆٹت که ایسّایا دَزگیر بکننت، بله ایسّا چه آیانی دَزرسا دور بوت.

یوهَنّا 9:22

آییئے پت و ماتا چه یَهودیان تُرست، پمێشکا اے ڈئولا پَسّئوِش دات. یَهودیان چه پێسرا شئور کرتگ‌اَت که هرکَس باوَر بکنت و بگوَشیت که ایسّا، مَسیه اِنت، آییا چه کَنیسَها درَ کنێن.

یوهَنّا 8:59

آیان په ایسّائے جنَگا سِنگ و ڈۆک چِت، بله ایسّا چه مردمانی چمّان چێر و اَندێم بوت، چه مزنێن پرستشگاها در آتک و شت.

زَبور 109:4

منی مِهرئے بدلا منا بُهتامِش جتگ، بله من په آیان نێکێن دْوا کرتگ.

یوهَنّا 11:46

بله چه اِشان لهتێن پَریسیانی کِرّا شت و ایسّائے کرتگێن کارئے هالِش برت و سر کرت.

یوهَنّا 11:47

پَریسی و مزنێن دینی پێشوایان، سرۆکانی دیوانئے باسک لۆٹاێنتنت و گوَشتِش: ”ما چے کنگا اێن؟ اے مرد بازێن مۆجزه و اَجَبَّتێن نشانیے پێش دارگا اِنت.