یوهَنّا 1:23 - هُدائے پاکێن کتاب، بلۆچی زبانا

²³ آییا چه اِشئیا نبیئے کئولا گوَشت: ”من هماییئے تئوار آن که گیابانا کوکّارَ کنت و گوَشیت، په هُداوندا راها تچک و هموار کنێت.“

یوهَنّا 1:23 Referans Kwoze

مَرکاس 1:3

گیابانا، کَسے گْوانکَ جنت: هُداوندئے راها تئیار و آییئے کِشکا راست و تچک بکنێت.

مَتّا 3:3

یَهیا هما اِنت که اِشئیا نبی آییئے بارئوا گوَشیت: گیابانا، کَسے گْوانکَ جنت: هُداوندئے راها تئیار و، آییئے کِشکا راست و تچک بکنێت.

یوهَنّا 3:28

شما وت شاهد اێت، من گوَشت که من مَسیه نه‌آن، بله چه آییا پێسر رئوان دئیگ بوتگان.

یوهَنّا 1:22

جُستِش کرت: ”تئو کئے ائے؟ ما باید اِنت په وتی رئوان دئیۆکان پَسّئوے ببرێن. وتی بارئوا چے گوَشئے؟“

یوهَنّا 1:24

چه اے رئوان داتگێن کاسِدان لهتێن پَریسی اَتنت.