پێدایش 8:10 - هُدائے پاکێن کتاب، بلۆچی زبانا

¹⁰ نوها دگه هپت رۆچ ودار کرت و پدا کپۆتی چه بۆجیگا راه دات.

پێدایش 8:10 Referans Kwoze

پێدایش 7:4

هپت رۆچا رند، اَنچێن هئورے گوارێنان که تان چِلّ رۆچ و چِلّ شپا گواریت و من وتی جۆڑ کرتگێن سجّهێن سَهداران چه زمینا گار و گُمسارَ کنان.“

پولُسئے کاگد په رومیان 8:25

اگن هما چیزّئے اُمێتوار ببێن که اَنگت مارا نێست، گڑا په سَبر آییئے وَدارا بێن.

زَبور 40:1

گۆن سَبرے په هُداوندا ودارُن کرت، دێمی گۆن من ترّێنت و منی پریاتی اِشکت.

پێدایش 8:12

نوها دگه هپت رۆچ ودار کرت و پدا کپۆتی راه دات. اے بری کپۆت آییئے کِرّا پِر نَترِّت.

پێدایش 7:10

هپت رۆچا رند زمینئے سرا هار و توپّانے آتک.

پێدایش 8:9

بله کپۆتا چُشێن جاهے ندیست که وتی پادان اێر بکنت، چێا که سجّهێن زمین اَنگت آپئے چێرا اَت. گڑا کپۆت بۆجیگا، نوهئے کِرّا پِر ترّت. نوها وتی دست شهارت، کپۆتی گِپت و بۆجیگا آورت.

پێدایش 8:11

وهدے کپۆت بێگاها آییئے کِرّا پِر ترّت، زئیتونئے تازگێن تاکے دپا اَتی. نون نوها زانت که چه زمینئے سرا آپ کمّ بوتگ.