پێدایش 47:27 - هُدائے پاکێن کتاب، بلۆچی زبانا

²⁷ نون اِسراییلی مِسرئے مُلکا، گۆشِنئے دَمگا جَهمنند بوتنت. اۆدا آیان ڈگار رسِت، بازێن چُکّ و برے کرتِش و سکّ باز بوتنت.

پێدایش 47:27 Referans Kwoze

پێدایش 46:3

هُدایا گوَشت: ”من هُدا آن، تئیی پتئے هُدا. مِسرئے رئوگا متُرس که من اۆدا چه تئو مزنێن کئومے اڈَّ کنان.

دَرگوَز 1:7

بله بنی اِسراییل پُرسَمر اَت. آیان چُکّ و بَر کرت، وَدّان بوت و سکّ باز بوتنت. مِسرئے مُلک چه اِسراییلیان پُرّ بوت.

کاسِدانی کار 7:17

وهدے گۆن اِبراهێما، هُدائے داتگێن کئولئے سَرجم بئیگئے وهد نزّیکّ بوت، مِسرا مئے مردم باز گێشتر بوتنت.

زَبور 107:38

آییا برکت داتنت و آ سکّ باز گێشتر بوتنت، نه‌اِشتی که دَلوَتِش کمّ ببنت.

زَبور 105:24

وتی مهلوکی آباد و چه آیانی دژمنان زۆراورتِر کرتنت.

پێدایش 26:4

من تئیی نَسل و پَدرێچا آسمانئے اِستارانی کِساسا بازَ کنان و اے سجّهێن زمینان آیانا دئیان و تئیی نَسل و پَدرێچئے سئوَبا زمینئے سجّهێن کئوم برکتَ گرنت،

دَرگوَز 1:12

مِسریان آیانی سرا همینکس که گێشتر زۆراکیَ کرت، اِسراییلی گێشتر بئیان و شِنگ بئیانَ بوتنت. گڑا مِسریان چه اِسراییلیان تُرست.

پێدایش 28:14

تئیی چُکّ و نُماسگ زمینئے هاکانی کِساسا بازَ بنت و شما رۆدراتک و رۆنند و شمال و جنوب، چارێن نێمگان تالانَ بێت. زمینئے سجّهێن کئوم تئیی و تئیی نَسل و پَدرێچئے سئوَبا بَرکتَ گرنت.

پێدایش 17:6

من ترا سکّ باز پُرسَمرَ کنان و چه تئو کئوم و راج جۆڑَ کنان و چه تئو بادشاه وَدیَ بنت.

پێدایش 13:16

تئیی نَسل و پَدرێچا زمینئے دنزانی پئیما بازَ کنان، اگن کسے دنز و گُباران هساب کرتَ کنت، گڑا تئیی نَسل و پَدرێچا هم هساب کرتَ کنت.

پێدایش 8:9

بله کپۆتا چُشێن جاهے ندیست که وتی پادان اێر بکنت، چێا که سجّهێن زمین اَنگت آپئے چێرا اَت. گڑا کپۆت بۆجیگا، نوهئے کِرّا پِر ترّت. نوها وتی دست شهارت، کپۆتی گِپت و بۆجیگا آورت.

پێدایش 8:7

گوَراگے ڈنّا راهی دات. گوَراگا تان هما وهدا بال کرت و گَشت که زمینئے سرئے آپ هُشک بوتنت.

پێدایش 34:10

مئے کِرّا جَهمنند ببێت. اے مُلک شمئے وتیگ اِنت، بنندێت، سئوداگری و باپار بکنێت و مِلکتئے واهند ببێت.“

پێدایش 35:11

هُدایا گۆن آکوبا گوَشت: ”من پُرواکێن هُدا آن. چُکّ و بَر کن و گێش بئیان بئے. چه تئو کئومے و کئومانی رُمبے پێدا بیت و بادشاه چه تئیی سْرێنا پێدا بنت.

پێدایش 47:11

هما پئیما که پِرئونا هُکم داتگ‌اَت، ایسُّپا وتی پت و برات مِسرا نادێنتنت و مِسرئے شَرترێن جاگها بزان رَمِسێسئے دَمگا مِلکتی داتنت.