پێدایش 46:29 - هُدائے پاکێن کتاب، بلۆچی زبانا

²⁹ ایسُّپا وتی اَرّابه تئیار کناێنت و گۆشِنا، وتی پت اِسراییلئے چارگا شت. اَنچۆ که ایسُّپ پتئے کِرّا سر بوت، پتی گلاێش کرت و تان دێرا گرێتی.

پێدایش 46:29 Referans Kwoze

لوکا 15:20

گڑا پاد آتک و دێم په پتئے لۆگا رهادگ بوت. پتا که چه دورا دیست دلی په آییا سُتک و په اِشتاپی آییئے دێما تچان بوت و گوَراَمبازی کرت و چُکّتی.

پێدایش 33:4

بله ایسّو په وتی براتئے گِندُکا تچان بوت. آکوبی گوَراَمباز کرت، دَستی آییئے گردنا دئور داتنت و چُکّتی. دوێنان گرێت.

کاسِدانی کار 20:37

سجّهێنان پولُس گُلاێش کرت، چُکِّت و باز گرێتِش.

پێدایش 45:21

گڑا اِسراییلئے چُکّان اَنچُش کرت. هما پئیما که پِرئونا هُکم داتگ‌اَت، ایسُّپا وتی براتانا اَسپ‌گاڑی و تۆشگ دات.

پێدایش 45:19

په تئو هُکم اِش اِنت که وتی براتان بگوَش: ’چۆ کنێت که په وت چه مِسرا اَسپ‌گاڑی بزورێت گۆن، په وتی جَن و چُکّان. وتی پتا بزورێت و بیاێت.

پێدایش 41:43

مُلکئے نائِبئے اَرّابَها سواری کرت. مردمان جار جت که ایسُّپئے دێما کۆنڈان بکپێت. پِرئونا ایسُّپ سجّهێن مِسرئے مستر کرت.

پێدایش 43:30

گۆن براتئے گِندگا ایسُّپا وتی دل داشت نکرت. زوتّ زوتّا پاد آتک و په گرێوَگا جاگهێئے شۆهازا بوت. گڑا وتی جندئے کۆٹیا شت و همۆدا گرێتی.

پێدایش 45:2

آییا اَنچێن بُرزێن تئوارێا گرێت که مِسریان اِشکت و پِرئونئے لۆگئے مردم هم سهیگ بوتنت.

پێدایش 46:30

اِسراییلا گۆن ایسُّپا گوَشت: ”نون من په مِرَگا تئیار آن، چێا که گۆن وتی جندئے چمّان دیستُن که تئو زندگ ائے.“

پێدایش 50:9

اَرّابه‌سوار و اَسپ‌سوار هم شتنت گۆن. سکّێن مزنێن رُمبے اَت.