پێدایش 44:15 - هُدائے پاکێن کتاب، بلۆچی زبانا

¹⁵ ایسُّپا گۆن آیان گوَشت: ”اے چِه کارے شما کرتگ؟ شما نزانێت که منی پئیمێن مردمے پال جتَ کنت و چیزّان در گێتکَ کنت؟“

پێدایش 44:15 Referans Kwoze

دَرگوَز 32:1

وهدے مهلوکا دیست که موسّایا چه کۆها اێر کپگا سکّ دێر کرت، هارونئے چپّ و چاگردا مُچّ بوتنت و گوَشتش: ”بیا، په ما هُدا اَڈّ کن که راها چه ما پێسَر ببنت، چێا که آ مَرد، موسّا که مارا چه مِسرا دری کرت و آورتی، نزانێن آ چۆن بوت.“

پێدایش 39:8

بله ایسُّپا نمَنِّت و گوَشتی: ”منی واجه چه من اَنچۆ دلجم اِنت که آییا گۆن اے لۆگئے هچّا کار نێست و وتی سجّهێن مال و هستی‌ای منی دستا داتگ.

پێدایش 21:26

اَبیمَلِکا گوَشت: ”منَ نزانان اے کار کئیا کرتگ. تئو منا هال نداتگ و تان مرۆچی من اِشیئے بارئوا هچّ نه‌اِشکتگ.“

پێدایش 4:10

هُداوندا گوَشت: ”تئو چِه کارے کرت؟ تئیی براتئے هۆن چه زمینا گۆن من پریات کنگا اِنت.

پێدایش 3:13

گڑا هُداوندێن هُدایا گۆن جنێنا گوَشت: ”اے چِه کارے که تئو کرت؟“ جنێنا گوَشت: ”مارا منا رَد دات و من وارت.“

پێدایش 44:16

یَهودایا گوَشت: ”منی واجه! ما گۆن تئو چے گوَشتَ کنێن؟ چے بگوَشێن؟ چِه پئیما وتی بێمئیاریا پێش بدارێن؟ هُدایا تئیی کَسترانی رَدێن کار پاشک کرتگ. منی واجه! نون ما تئیی گُلام اێن. مئے جند هم و هما مردم هم که پیاله آییئے کِرّا در کپتگ.“