پێدایش 43:23 - هُدائے پاکێن کتاب، بلۆچی زبانا

²³ پێشکارا گوَشت: ”پَرواه نێست. متُرسێت. شمئیگ و شمئے پتئے هُدایا اے گَنج گۆنیان مان کرتگ. شمئے نُگره منا رَستگ‌اَنت.“ نون شَمونی آیانی کِرّا آورت.

پێدایش 43:23 Referans Kwoze

پێدایش 42:24

ایسُّپا وتی دێم آنگُر کرت و گرێتی. پدا دێمی تَرّێنت و گۆن آیان هبری کرت. گڑا چه براتانی نیاما شَمونی گِپت و آیانی چمّانی دێما دَست و پادی بنداێتنت.

یوهَنّا 20:26

هشت رۆچا رَند، وهدے مُرید پدا هما لۆگا یکجاه بوتنت، توما هم گۆن اَت. لۆگئے دروازگ کُبل اَتنت، بله اَنگت هم ایسّا آتک و آیانی نیاما اۆشتات و گوَشتی: ”اێمنی و سلامتی په شما.“

یوهَنّا 14:27

من شمارا اێمنی و آسودگیَ دئیان. وتی اێمنی و آسودگیا شمارا دئیان. جهانا اے واک و توان نێست که هما اێمنیا شمارا بدنت که منیَ دئیان. متُرسێت و وتی دلا پرێشان مکنێت.

یوهَنّا 20:21

ایسّایا پدا گوَشت: ”اێمنی و سلامتی په شما. هما ڈئولا که پتا منا راه داتگ، من شمارا راهَ دئیان.“

یوهَنّا 20:19

هما یکشَمبِهئے شپا، وهدے مُرید چه یَهودیانی تُرسا لۆگێئے تها مُچّ اَتنت و لۆگئے دروازگ کُبل اَتنت، ایسّا آتک و آیانی نیاما اۆشتات و گوَشتی: ”اێمنی و سلامتی په شُما.“

لوکا 24:36

تنینگه آ همے هبران اَتنت که ایسّا وت آتک و آیانی نیاما اۆشتات و گوَشتی: ”سلام و درۆت په شما!“

لوکا 10:5

هر لۆگێا که رئوێت ائولا بگوَشێت: ’اے لۆگئے مردم دْراه و اێمِن باتنت‘.

پێدایش 42:28

گۆن وتی براتان گوَشتی: ”منی نُگرَهِش نَزُرتگ‌اَنت، اِش اَنت منی گۆنیئے تها اَنت.“ تُرسے آیانی دلا کَپت. دێمِش گۆن یکدگرا کرت و دْرَهان و لَرزانا گوَشتِش: ”اے چِه کارے که هُدایا گۆن ما کرتگ؟“

پێدایش 43:14

پُرواکێن هُدا آ مردا په شما رهمدل کنات که شمئے آ دگه براتا و بِنیامینا گۆن شما آیگا بِلّیت. بله اگن من چُکّ باهێنتنت وَه منی بَهت و نَسیب.“

پێدایش 42:36

آیانی پت آکوبا گوَشت: ”شما منا بےائولاد کنگا اێت. ایسُّپ هم نێست‌اِنت و شَمون هم. نون شما بِنیامینا پچ گِرگَ لۆٹێت. اے سجّهێن کَهر منی سرا کپگا اَنت.“

پێدایش 43:22

ما په وراکئے گِرَگا دگه نُگره هم آورتگ گۆن. نزانێن بارێن کئیا اے نُگره پدا مئے گۆنیان مان کرتگ‌اَنت.“