پێدایش 42:21 - هُدائے پاکێن کتاب، بلۆچی زبانا

²¹ گۆن یکدگرا گوَشتِش: ”اَسلا مارا براتئے هَکّان گِپتگ. ما دیست که آ چینچُک پرێشان اَت، په وتی جانئے رَکّێنگا مئے کرّا دَزبندی و پریاتی کرت، بله ما آییئے هبر گۆش نداشتنت، پمێشکا اے مُسیبت مئے سرا کپتگ.“

پێدایش 42:21 Referans Kwoze

یوهَنّائے ائولی کاگد 1:9

بله اگن وتی گناهان بمَنّێن، آ که وپادار و آدل اِنت مئے گناهانَ بَکشیت و مئے سجّهێن ناپهرێزیانَ شۆدیت.

آکوب 2:13

چێا که آ مردم که مِهر و رهمَ نکننت، آیانی دادرسی په بێرَهمیَ بیت. بله مِهر و رهم، دادرسیئے سرا بالادست و سۆبێنَ بیت.

کاسِدانی کار 19:18

بازێنے که باوَرمند بوت، مردمانی دێما وتی پێسریگێن سِلّێن کارِش مَنِّتنت.

لوکا 16:28

چێا که منی پنچ برات اَنت و منی واهگ اِنت که ایلازَر آیانی کِرّا برئوت و آیان ڈاه بدنت و هُژّار بکنت، چُش مبیت که آ هم اے پُراَزابێن جاگها بیاینت.‘

مَرکاس 9:48

هما دۆزه که اۆدا وَرۆکێن کِرم هچبرَ نمرنت و آس هچبر سارت و اێرمۆشَ نبیت.

مَتّا 7:2

اَنچُش که شما دگران اێرَ جنێت، همے پئیما شما اێر جنَگَ بێت و گۆن هر کئیل و پئیمانهێا که بدئیێت، گۆن هما کئیلا شمارا دئیگَ بیت.

پێدایش 41:9

گڑا مسترێن آپیا گۆن پِرئونا گوَشت: ”من مرۆچی وتی رَدیانی ترانَگا کپتگان.

پێدایش 45:3

ایسُّپا گۆن براتان گوَشت: ”من ایسُّپ آن. منی پت اَنگت هست و سلامت اِنت؟“ برات ایسُّپئے دێما تُرسگا اَتنت و هچّ پَسّئوِش دات نکرت.

پێدایش 50:15

وهدے ایسُّپئے براتان دیست که مئے پت مُرتگ، گوَشتِش: ”اگن ایسُّپا کێنگ دلا اِنت، هما سجّهێن بدیانی بێرا گیپت که ما گۆن آییا کرتگ‌اَنت.“

پێدایش 44:16

یَهودایا گوَشت: ”منی واجه! ما گۆن تئو چے گوَشتَ کنێن؟ چے بگوَشێن؟ چِه پئیما وتی بێمئیاریا پێش بدارێن؟ هُدایا تئیی کَسترانی رَدێن کار پاشک کرتگ. منی واجه! نون ما تئیی گُلام اێن. مئے جند هم و هما مردم هم که پیاله آییئے کِرّا در کپتگ.“