پێدایش 4:8 - هُدائے پاکێن کتاب، بلۆچی زبانا

⁸ کائِنا گۆن وتی برات هابیلا گوَشت: ”بیا ڈگارئے سرا رئوێن.“ ڈگارا که شتنت، کائِنا وتی برات هابیلئے سرا اُرُش کرت و کُشتی.

پێدایش 4:8 Referans Kwoze

یَهودائے کاگد 1:11

بَژن و اپسۆز په آیان! چێا که کائِنئے راها رئونت و وتی سوتّانی پدا بَلیامئے گُمراهیا کپنت و کۆرائے سَرکشّیا بێرانَ بنت.

مَتّا 23:35

گڑا چه هابیلا بگر تان بَرَکیائے چُکّ زَکَریایا، که شما مزنێن پرستشگاه و کُربانجاهئے نیاما کُشت، اے سجّهێن پهرێزکارانی هۆن که جهانا رێچگ بوتگ، شمئے گردنا بیت.

لوکا 11:51

بزان هابیلئے هۆنا بگر تان زَکَریائے هۆنا، که کُربانجاه و مزنێن پرستشگاهئے نیاما رێچگ بوت. هئو! شمارا گوَشان که اے زمانگئے مردم، آ سجّهێن هۆنانی دئینکار اَنت.

زَبور 55:21

زبانی چۆ ٹێلا چرپ اَت بله دلی جنگیگ، دپئے هبری چه رۆگنا نرمتر، بله کَشّتگێن زَهم اتنت.

زَبور 36:3

دپئے هبری بدی و پرێب اِنت، چه اگلمندی و نێک‌کاریا دستی شُشتگ.

لوکا 22:48

ایسّایا گوَشت: ”او یَهودا! تئو گۆن چُکّگ و درۆت، انسانئے چُکّا گراێنئے؟“

زَبور 139:19

تئو بدکار بکُشتێننت، او هُدا! چه من دور بێت، او هۆنواران!

پێدایش 4:25

آدما پدا گۆن وتی جَنا وپت و واب کرت و آییئے جَنا مردێن‌چُکّے آورت. جَنا چُکّئے نام سئیت کرت. گوَشتی: ”هُدایا منا هابیلئے بدلا دگه چُکّے داتگ، پرچا که کائِنا هابیل کُشت.“